Nur-Sultan qalasynyń ákimi Altai Kólginov Instagram paraqshasynda iske asyp jatqan IT-jobalar týraly málim etti, dep habarlaidy elorda ákimdiginiń resmi saity.
«Osydan bir jyl buryn IT-keńestiń jumysyn bastadyq. Ol tsifrlyq tehnologiialardy odan ári damytyp, engizýge baǵyttalǵan. IT-keńestegi árbir kezdesý jai ǵana kezdesý emes, bul qala men turǵyndarǵa qajet naqty jobalardy kásibi turǵyda talqylap, engizý.
Memleket basshysy atap ótkendei, «tsifrlandyrý – barlyq reformalardyń bazalyq elementi».
Mysaly, pandemiia kezinde patsientterdi meditsinalyq mekemelerge birkelki taratýǵa múmkindik beretin qosymshalar jasaldy, telemeditsina engizildi jáne t.b.
Sonymen qatar, IT-keńeste tanystyrylǵan birqatar joba basqa da salalarǵa engizildi. Mysaly, 20-dan astam mektepte himiia, biologiia, fizika siiaqty pánderdi kórneki túrde kórsetýge múmkindik beretin Roqed Science baǵdarlamasy engizildi. Bul oqýshylarǵa materialdardy túsindirýge múmkindik beredi.
Sonymen qatar birqatar mektepte Smart Recirculation Control jobasy iske qosyldy. Innovatsiialyq tehnologiia aýany tazartýǵa jáne zararsyzdandyrýǵa, sol arqyly úi-jaidy ionizatsiialaýǵa, aýanyń tútindenýine monitoring júrgizýge, táýlik boiy beinebaqylaý men vizýaldy baqylaý júrgizýge múmkindik beredi. Sondai-aq, dene temperatýrasyn ólsheitin, maskanyń bar-joǵyn birden biletin júie iske qosyldy.
Qalany aýqymdy tsifrlandyrýdy júrgizetinimiz týraly aitqan bolatynmyn. Mysaly, injenerlik jelilerdi tsifrlandyrý olardyń naqty jaǵdaiyn kórýge, jóndeý jumystaryn ýaqtyly júrgizýge, qajet bolǵan jaǵdaida qýatty arttyrýǵa, táýekelderdi azaitýǵa jáne t.b. múmkindik beredi. Qalany tsifrlandyrý jumysy qazir aiaqtalýǵa jaqyn.
Sonymen qatar, usynylǵan jobalardyń arasynda ekologiia, qaýipsizdik, áleýmettik salalardaǵy jobalar da bar. Mysaly, jasyl jelekterdi túgendeý, liýkterdiń monitoringi, zańsyz qoqystardyń aldyn alý jáne anyqtaýdy baqylaý jáne t.b. úshin júieler ázirlendi. Iriktelgen jobalar tolyqtai iske asyrylady», - dep jazdy elorda ákimi.
