Ishimdiktiń áserinen eldiń mazasyn alyp, aýladaǵy kólikterge zaqym keltirgen astanalyq jastar ustaldy, dep habarlaidy "Ult aqparat".
Nur-Sultan qalasynyń saqshylary áleýmettik jelige monitoring júrgizý barysynda túngi saǵat 03:30-da Petrov kóshesindegi úidiń aýlasynda jastar tóbeles shyǵaryp, keiin olardyń biri turaqta turǵan avtokólikterdiń tóbesine shyǵyp, oiran salǵanyn anyqtady.
«Tártip buzǵandardyń bári anyqtalyp, politsiiaǵa jetkizildi. Olar usaq buzaqylyq úshin, mas kúiinde qoǵamdyq orynǵa shyqqany jáne túngi tynyshtyqty buzǵany úshin jaýapkershilikke tartyldy. Búlingen avtokólik ieleri ózderine kelgen shyǵyn kólemin anyqtap jatyr», - deidi Nur-Sultan qalasy «Almaty» aýdandyq politsiia bóliminiń bastyǵy Dastan Qaliev.
