Nur-Sultan qalasynda kóliginde «Tapsyryspen adam óltirý» degen jazýy bar er adam ustaldy, dep habarlaidy "Ult aqparat" Nur-Sultan qalasy politsiia departamentiniń baspasóz qyzmetine silteme jasap.
Kólik búgin áleýmettik jelilerge monioring júrgizý barysynda Máńgilik el kóshesinde anyqtalǵan. Elorda politseileri kólikti bir saǵattyń ishinde tapty.
Júrgizýshiniń aitýynsha, artqy terezesiniń shynysynda «Tapsyryspen adam óltirý» jazýy bar kólikti ol bir ai buryn Petropavl qalasynda satyp alǵan, biraq jazýdy óshirmegen.
Budan basqa, tekserý kezinde 27 jastaǵy er adamnyń kólik júrgizý qujattarynyń bolmaǵany anyqtaldy.
Ol tehnikalyq reglament talaptaryna sáikes kelmeitin kólikti júrgizgeni jáne júrgizýshi kýáliginiń bolmaǵany úshin QR Ákimshilik quqyqbuzýshylyqtar týraly kodekstiń 590-babynyń 5-bólimi jáne 612-baptyń 5-bólimi boiynsha ákimshilik jaýapqa tartyldy. Kólik kommýnaldyq turaqqa qoiyldy, ondaǵy jazýdy júrgizýshisi sol jerde óshirip tastady.
