Elordada áýletter men óndiris jumyskerleri arasynda jyl saiyn ótetin respýblikalyq «Eńbek joly» baiqaýynyń jeńimpazdaryn saltanatty túrde marapattaý rásimi ótti, dep habarlaidy "Ult aqparat".
Táýelsizdik saraiynda ótken sharaǵa QR Premer-Ministriniń orynbasary Berdibek Saparbaev, QR Eńbek jáne halyqty áleýmettik qorǵaý ministri Birjan Nurymbetov, QR Parlamentiniń depýtattary, «Atameken» UKP-nyń, jumyskerler men jumys berýshiler respýblikalyq birlestikteriniń, jergilikti atqarýshy organdardyń ókilderimen qosa eńbek ardagerleri jáne konkýrstyń óńirlik kezeńiniń laýreattary qatysty. Shara basynda Berdibek Saparbaev metsenattar men kásipkerlerge «Shapaǵat» medalin, QR Prezidenti men Premer-Ministriniń atynan alǵys hattardy tabys etse, QR Parlamenti Májilisi Áleýmettik-mádeni damý komitetiniń tóraiymy Gúlshara Ábdihalyqova ardagerlerge «Eńbek ardageri» medalin tabys etti.
«Adamdy adam etken eńbek. Sondyqtan, biz myna otyrǵan eńbekkerlerge basymyzdy iemiz, zor alǵysymyzdy aitamyz. Memleketimizdiń Tuńǵysh Prezidenti Nursultan Nazarbaev aitqandai, qazaqstandyqtardyń ómiriniń jaqsarýy, jaǵdailarynyń túzelýi – eńbekke bailanysty. Sol sebepti, memleket tiisti jaǵdai jasaidy. «Eńbek» baǵdarlamasynyń eń negizgi mindeti de – qazaqstandyqtardyń eńbek etip, otbasyn asyraýǵa, Qazaqstannyń ekonomikasyn jaqsartýǵa jaǵdai jasaý», - dedi shara barysynda Berdibek Saparbaev.
QR Eńbek jáne halyqty áleýmettik qorǵaý ministrligi atalmysh sharany jumysshylardy keńinen tanymal etý maqsatynda ótkizip keledi. Baiqaý «Úzdik eńbek áýleti», «Jumys isteitin jastardyń úzdik tálimgeri» jáne «Óndiristiń úzdik jas jumyskeri» atty úsh nominatsiiadan turady. Úmitkerlerden ótinim qabyldaý biyl 1 maýsymda bastalǵan. Konkýrstyń óńirlik kezeńinde birinshi nominatsiia boiynsha – 90, ekinshi nominatsiia boiynsha 144 jáne úshinshi nominatsiia boiynsha – 154, barlyǵy 388 adam baq synady.
Konkýrstyń respýblikalyq kezeńinde ministrilk saitynda ótkizilgen onlain daýys berý barysynda «Úzdik eńbek áýleti» nominatsiiasy boiynsha 23 351, «Jumys isteitin jastardyń úzdik tálimgeri» nominatsiiasy boiynsha 90 156 jáne «Óndiristiń úzdik jas jumyskeri» nominatsiiasy boiynsha 65 822, barlyǵy 179 329 daýys túsken.
Otandastarymyzdy kásibi jetistikterge yntalandyrý jáne jańa eńbek dinastiialaryn qalyptastyrý maqsatynda biyl ministrlik syilyqtardyń sanyn kóbeitý týraly sheshim qabyldady. Eger ótken jyldary syilyqtar tek nominatsiialar boiynsha berilgen bolsa, biyldan bastap jeńimpazdar – 1, 2 jáne 3 oryn úshin marapattalatyn boldy.
Otandastarymyzdy kásibi jetistikterge yntalandyrý jáne jańa eńbek dinastiialaryn qalyptastyrý maqsatynda biyl ministrlik syilyqtardyń sanyn kóbeitý týraly sheshim qabyldady. Eger ótken jyldary syilyqtar tek nominatsiialar boiynsha berilgen bolsa, biyldan bastap jeńimpazdar – 1, 2 jáne 3 oryn úshin marapattalatyn boldy.
«Úzdik eńbek áýleti» nominatsiiasynda Elordalyq Eńsebaevtar áýleti birinshi orynǵa, Shyǵys Qazaqstan oblysynan kelgen Saǵadievter áýleti ekinshi orynǵa, al atyraýlyq Jumaǵalievterdiń ustazdar áýleti úshinshi orynǵa ie boldy. «Jumys isteitin jastardyń úzdik tálimgeri» nominatsiiasy boiynsha Aqmola oblysynyń TBB (tehnikalyq baqylaý bóliminiń) baqylaýshysy Maira Isaeva jeńiske jetse, Shymkent qalasynyń tsement óndirý jónindegi injener-tehnology Eskendir Rústemov ekinshi oryn aldy. Qaraǵandy oblysynyń aýa bólý qondyrǵylarynyń apparatshysy Dáýlet Ejibaev úshinshi oryndy qanaǵat tutty.
«Úzdik jas óndiris jumyskeri» nominatsiiasynda Soltústik Qazaqstan oblysynan kelgen jalpy praktika dárigeri Iýliia Shevchenko úzdik atansa, Qostanai oblysynyń logistika jáne qoima saqtaý sheberi Vladimir Samodýrov ekinshi orynǵa turaqtady. Al Pavlodar oblysynan kelgen tehnologiialyq nasos mashinisti Asqar Nurǵalievqa úshinshi oryn buiyrdy.
Baiqaý jeńimpazdary 1 oryn úshin – 1 mln teńge, 2 oryn úshin – 500 myń teńge jáne 3 oryn úshin – 200 myń teńge kóleminde aqshalai sertifikattarmen marapattaldy.
Sonymen qatar, «Kórermender kózaiymy» syilyǵynyń jeńimpazdary da anyqtaldy. Osylaisha, «Úzdik eńbek áýleti» nominatsiiasynda Aqtóbe oblysynan kelgen Izbasovtardyń metallýrgter áýleti jeńiske jetip, «Jumys isteitin jastardyń úzdik tálimgeri» nominatsiiasy – Batys Qazaqstandyq ustaz Baian Kabievaǵa buiyrdy. Al «Óndiristiń úzdik jas jumyskeri» nominatsiiasynda Jambyl oblysynyń elektrik-injeneri Qýanysh Shynybekov top jardy. Atalǵandardyń barlyǵy baǵaly syilyqtarmen marapattaldy.
«Eńbek joly» baiqaýynyń jeńimpazdaryn quttyqtai otyryp, Birjan Nurymbetov memlekettiń jańǵyrýy men qoǵamnyń damýyndaǵy eńbek adamdarynyń mańyzdy rólin atap ótti.
«Bul qýanyshty kúni ózderiniń kúndelikti eńbegimen qazirgi Qazaqstannyń táýelsizdigi men qalyptasýynyń kýágerleri bolyp qana qoimai, negizin qalaǵan eńbek ardagerleri men eńbek áýletteriniń baǵa jetpes úlesin atap ótkim keledi. Sizder shynaiy tálimgerlik institýtynyń rýhyn kóterip júrsizder jáne jastarǵa ózderińizdiń kásibi jáne adamgershilik tájiribelerńizdi jetkizip, olardyń eńbekke, jumys mamandyqtaryna degen súiispenshiligin arttyrasyzdar», - dedi ol.
