Prokýratýra jáne politsiia departamenti qyzmetkerlerinen quralǵan monitoring tobynyń kezekti reidteri kezinde elordanyń bes dárihanasynda meditsinalyq preparattardy baǵasyn asyryp satý boiynsha zańbuzýshylyqtardy anyqtady. Bul týraly "Ult aqparat" eloranyń Politsiia departamentine silteme jasap habarlaidy.
Dárihana qyzmetkerleri dárilik preparattardy Qazaqstan Respýblikasy Densaýlyq saqtaý ministriniń «Bólshek jáne kóterme saýda úshin dárilik zattyń saýda ataýyna shekti baǵalardy bekitý týraly» buiryǵyn buzyp satqan.
Tekserý barysynda 246 orama dári-dármek tárkilendi, sonyń ishinde «Azitromitsin», «Tsef3», «Paratsetamol», «Ingaverin», «Dektametazon», «Tseftriakson» jáne taǵy basqalary, 1983 meditsinalyq maska, 4000 dana qolǵap, 100 quty antiseptikalyq qural bar. Tárkilengen preparattardyń jalpy somasy 1 000 000 teńgeden asty.
Monitoring júrgizý tobynyń qyzmetkerleri elorda dárihanalarynda meditsinalyq preparattardy QR zańnamasyn buzyp satý faktilerin anyqtaý boiynsha turaqty túrde reid sharalaryn júrgizýde. Barlyq anyqtalǵan faktilerge quqyqtyq turǵydan baǵa berilip, kináli azamattar jaýapqa tartylady.
