پروكۋراتۋرا جەنە پوليتسييا دەپارتامەنتٸ قىزمەتكەرلەرٸنەن قۇرالعان مونيتورينگ توبىنىڭ كەزەكتٸ رەيدتەرٸ كەزٸندە ەلوردانىڭ بەس دەرٸحاناسىندا مەديتسينالىق پرەپاراتتاردى باعاسىن اسىرىپ ساتۋ بويىنشا زاڭبۇزۋشىلىقتاردى انىقتادى. بۇل تۋرالى "ۇلت اقپارات" ەلورانىڭ پوليتسييا دەپارتامەنتٸنە سٸلتەمە جاساپ حابارلايدى.
دەرٸحانا قىزمەتكەرلەرٸ دەرٸلٸك پرەپاراتتاردى قازاقستان رەسپۋبليكاسى دەنساۋلىق ساقتاۋ مينيسترٸنٸڭ «بٶلشەك جەنە كٶتەرمە ساۋدا ٷشٸن دەرٸلٸك زاتتىڭ ساۋدا اتاۋىنا شەكتٸ باعالاردى بەكٸتۋ تۋرالى» بۇيرىعىن بۇزىپ ساتقان.
تەكسەرۋ بارىسىندا 246 وراما دەرٸ-دەرمەك تەركٸلەندٸ, سونىڭ ٸشٸندە «ازيتروميتسين», «تسەف3», «پاراتسەتامول», «ينگاۆەرين», «دەكتامەتازون», «تسەفترياكسون» جەنە تاعى باسقالارى, 1983 مەديتسينالىق ماسكا, 4000 دانا قولعاپ, 100 قۇتى انتيسەپتيكالىق قۇرال بار. تەركٸلەنگەن پرەپاراتتاردىڭ جالپى سوماسى 1 000 000 تەڭگەدەن استى.
مونيتورينگ جٷرگٸزۋ توبىنىڭ قىزمەتكەرلەرٸ ەلوردا دەرٸحانالارىندا مەديتسينالىق پرەپاراتتاردى قر زاڭناماسىن بۇزىپ ساتۋ فاكتٸلەرٸن انىقتاۋ بويىنشا تۇراقتى تٷردە رەيد شارالارىن جٷرگٸزۋدە. بارلىق انىقتالعان فاكتٸلەرگە قۇقىقتىق تۇرعىدان باعا بەرٸلٸپ, كٸنەلٸ ازاماتتار جاۋاپقا تارتىلادى.
