Elordada COVID-19 infektsiiasynyń aptalyq ósimi baiqalady, - dep habarlandy qala ákimdiginiń resmi saitynda.
Indettiń ósýi qala turǵyndarynyń áleýmettik qashyqtyq erejelerin jáne basqa da sanitarlyq talaptardy buzýymen bailanysty bolyp otyr. Osyǵan bailanysty reidter kúsheitilmek.
Sanitarlyq sharalar saqtalmasa jaǵdai kez kelgen ýaqytta nasharlaýy múmkin.
«Eger halyq arasynda juqtyrý sany artatyn bolsa, biz qatań shekteý sharalaryn kezeń-kezeńmen nemese birden engizýge májbúr bolamyz. Aýyryp qalýymyz tikelei ózimizge bailanysty. Muny este saqtaý qajet. Elordadaǵy epidemiologiialyq jaǵdai qazir «turaqsyz». Alaida turǵyndar meditsinalyq maska taǵý, áleýmettik qashyqtyqty saqtaý, buqaralyq is-sharalar ótkizbeý, adamdar kóp jinalatyn oryndarǵa barýdan aýlaq bolý siiaqty qarapaiym erejelerdi buljytpai saqtaityn bolsa, qatań sharalar qabyldaý týraly oiymyzdan bas tartýymyz múmkin», - deidi Nur-Sultan qalasynyń bas sanitarlyq dárigeri Sarhat Beisenova.
