Nur-Sultan qalasyndaǵy Kóktal saiabaǵynda eń úlken aqqala salyndy, dep habarlaidy "Ult aqparat".
Ákimdiktiń resmi saitynyń málimetinshe, onyń biiktigi — 10 metr.
Saryarqa aýdany ákiminiń orynbasary Ábdirahman Dáýlenbaevtyń aitýynsha, alyp aqqalanyń salynýyna biýdjet qarajaty bólinbegen.
«Elorda ákimdigi men Saryarqa aýdany turǵyndarynyń yntasy men birlesken kúsh-jigeriniń arqasynda aýdannyń da, qalanyń da kórikti jerine ainalǵan Aqqala paida boldy. Joba avtory — belgili músinshi-sýretshi, «Qazaq eli» monýmentiniń avtory Sembiǵali Smaǵulov», — dedi Ábdirahman Dáýlenbaev.
Ýrbanistika ortalyǵynyń jetekshisi Elnar Bazyken aqqala qańqasyz jasalǵanyn málim etti.
«Aqqalany salý kezinde belgili bir qiyndyqtar boldy, óitkeni qatty aiazdyń saldarynan qar durys jabyspai, qum siiaqty shashylyp jatty. Onyń biiktigi — 10 metr, sharfynyń uzyndyǵy — 20 metr. Qalpaqtyń oramy — 5 metr», — dedi Elnar Bazyken.
Elordada salynǵan aqqala Qazaqstandaǵy jáne Ortalyq Aziiadaǵy eń úlken degen ataqqa úmitker bolýy múmkin.
