Elordada «Toyota Carina» markaly kólik dezinfektsiia jasap júrgen KamAzǵa soǵyldy, dep habarlaidy "Ult aqparat".
«Toyota Carina» markaly avtokólik júrgizýshi Qoshqarbaev kóshesi jaqtan Ál-Farabi kóshesine qarai baǵyt alǵan kezde rólge ie bola almai joldyń qarsy betine shyǵyp ketken. Artynsha qarsy baǵytta kele jatqan áskeri «KamAZ» kóligine soqtyǵysqan. Júk kóligi kóshede dezinfektsiia jumystaryn júrgizip kele jatqan», - dep habarlaidy qalalyq politsiia departamentinen.
Jol-kólik oqiǵasy saldarynan «Toyota Carina» kóliginiń júrgizýshisi dene jaraqatymen aýrýhanaǵa jetkizildi. Oqiǵanyń mán-jaiy anyqtalýda.
