Elorda turǵyndaryna 27 sáýirden bastap aýlaǵa shyǵýǵa ruqsat etildi. Bul týraly "Ult aqparat" kimdiktiń baspasóz qyzmetine silteme jasap habarlaidy.
Sozylmaly aýrýy bar jáne egde adamdar erekshe saq bolýy kerek. Olarǵa asa qajettilik týyndamaǵan jaǵdaida dalaǵa shyǵýdan bas tartý usynylady, sebebi bul sanattaǵy azamattar Covid-19 infektsiiasyn juqtyrýǵa asa beiim.
Turǵyndar saqtyq sharalaryn qatań saqtap, qorǵanys quraldaryn paidalanýy qajet. Balalar alańdarynda qashyqtyqtyń saqtalýy shart.
Qala boiynsha kún saiyn dezinfektsiia jumystary júrgizilip jatyr. Aýla aýmaqtary, alańdar jáne t.b. qamtyldy. Dezinfektsiia jumystary kúsheitiledi.
27 sáýirden bastap qatań sanitarlyq normalardy saqtai otyryp, turmystyq elektr tehnikasyn satatyn dúkenderge (aýdany 2 myń sharshy metrden astam), bank qyzmeti men mikroqarjy uiymdaryna, saqtandyrý qyzmetine; rielterlik kompaniialarǵa, agenttikterge, jyljymaityn múlikti baǵalaý jónindegi konsaltingtik qyzmetterge, tuqym satatyn dúkenderge, zoomagazinderge jumysyn qaita bastaýǵa ruqsat etiledi.
Infektsiiany juqtyrý qaýpi joiylmaǵandyqtan oiyn-saýyq jáne saýda ortalyqtary, kinoteatrlar, restorandar, saiabaqtar men adam kóp jinalatyn basqa da oryndar ázirge jabyq bolady. Qoǵamdyq kóliktiń jumysy karantin sońyna deiin toqtatyldy.
Balabaqshalar, úiirmeler men sektsiialar jumys jasamaidy. Al joǵary oqý oryndary, kolledjder, mektepter qashyqtan oqytýdy jalǵastyra beredi.
Esterińizge sala keteiik, Prezident Tótenshe jaǵdai rejimin biylǵy 11 mamyrǵa deiin uzartty. Sondai-aq, QR Premer-Ministri Asqar Maminniń tóraǵalyǵymen ótken QR Prezidenti janyndaǵy Tótenshe jaǵdai rejimin qamtamasyz etý jónindegi memlekettik komissiianyń kezekti otyrysynda bul másele kóterilip, sheshim qabyldanǵan bolatyn.
