Elordada ataýly áleýmettik kómek tólene bastady, dep habarlaidy "Ult aqparat" qala ákimdigine silteme jasap.
Qazirgi tańda 1648 otbasyǵa qatysty oń sheshim qabyldansa, 363 otbasy ataýly áleýmettik kómek ala bastady.
«Qazaqstan astanasynda ataýly áleýmettik kómek (AÁK) alýshylardyń shottaryna tólemder osy jyldyń 26 sáýirinen 4 mamyryna deiin túsirý josparlanyp otyr», - dedi jumyspen qamtý jáne áleýmettik qorǵaý basqarmasynyń basshysy Sáýle Nurǵojina.
1 sáýirden bastap AÁK taǵaiyndaý úshin 9 725 otbasy ótinim bergen, onyń 2 483-ine ataýly áleýmettik kómek taǵaiyndaý úshin qabyldanǵan, 2 417-i ótinish aýdandyq okrýgtik komissiialarǵa joldandy, 1 909 otbasyǵa qatysty aýdandyq komissiialar oń sheshim qabyldady.
Tutastai alǵanda, jańa formattaǵy AÁK-pen 2 500 otbasyn (11 myńnan astam adam) qamtý josparlanýda. Nur-Sultan qalasyndaǵy AÁK-ti alatyn otbasylardyń ár balasyna (18 jasqa tolmaǵan balalarǵa) 21 572 teńge somasynda kepildik tólem nemese kúnkóris minimýmynyń 70%-y tólenedi. Otbasynyń eresek adamdary úshin AÁK mólsheri jan basyna shaqqandaǵy tabys pen kedeilik shegi arasyndaǵy (21 572 teńge) aiyrmashylyq retinde esepteledi. Osy jyldyń 26 sáýirinen bastap 4 mamyryna deiin alýshylardyń shottaryna tólemder júzege asyrylady dep josparlanýda. Eske salaiyq, 1 sáýirden bastap, ataýly áleýmettik kómekti alý tártibi jeńildetildi. Al ataýly áleýmettik kómek kórsetý kriteriiiniń mólsheri kúnkóristiń eń tómengi deńgeiiniń 50-den 70%-ǵa deiin artty. AÁK boiynsha keńesti E-halyqtyń derekter bazasynda oqyǵan HQKO-y mamandarynan, sonymen qatar aýdandyq ákimdikterde de alýǵa bolady.
2018 jyldan kele jatqan málimetterdi eskerile otyryp, 481 otbasyǵa, 2 915 adam AÁK shartty aqshalai járdem 1 sáýirge deiin tólendi. 2019 jyldyń 1 sáýirine deiin josparlanǵan 363 shartty aqshalai kómek alýshyǵa, 2019 jyldyń 1 sáýirden bastap áleýmettik kelisimsharttyń aiaqtalýyna deiin shartty aqshalai járdemaqylar somasy qaita esepteldi.
AÁK taǵaiyndaý kezinde tórt nemese odan da kóp kámeletke tolmaǵan balalary bar kópbalaly otbasylarǵa taǵaiyndalyp, tólenetin arnaiy memlekettik járdemaqylar, «Altyn alqamen», «Kúmis alqamen» marapattalǵan kópbalaly analarǵa taǵaiyndalyp tólenetin ai saiynǵy memlekettik járdemaqy, nemese buǵan deiin buryn «Batyr ana» ataǵyn alǵan, I jáne II dárejeli «Ana dańqy» ordenderimen marapattalǵan analarǵa taǵaiyndalyp, tólenetin ai saiynǵy memlekettik járdemaqy, múgedektigi boiynsha balaǵa taǵaiyndalatyn járdemaqy, stipendiia, jergilikti biýdjetten tólenetin birjolǵy tólemder esepke alynbaidy.
Ákimdiktiń habarlaýynsha, 1 sáýirden bastap AÁK alý jeńildetilgen. Ol úshin tek AÁK taǵaiyndaý týraly ótinish pen jeke basty kýálandyratyn qujat kerek (árbir otbasy múshesiniń), al qalǵan aqparattardy E-halyq derekqorynan alýǵa bolady.
Sonymen qatar, ataýly áleýmettik kómekke qatysty qaýyrt jeli isteidi.
111 biryńǵai bailanys ortalyǵynyń tegin nómirine qalalyq telefon arqyly da, Smart Astana mobildi qosymshasy arqyly da qońyraý shalýǵa bolady.
