Astanada qala turǵyny politsiiaǵa habarlasyp, belgisiz bireý onyń «Spaniel» tuqymdy itin urlap ketkeni týraly aqparat bergen, dep habarlaidy "Ult aqparat" Astana qalasy PD Baspasóz qyzmetine silteme jasap.
Astanalyq saqshylar turǵynynyń úi janýarymen serýendep kele jatyp, itin kireberistegi temir torǵa bailap dúkenge kirgen sátin benebaqylaý kamerasynan baiqaǵan. It iesi dúkennen shyqqan sátte itiniń ornynda joq ekenin ańǵarǵan.
Baiqońyr aýdandyq politsiia bóliminiń qyzmetkerleri jedel izdestirý is-sharalary barysynda buryn urlyq qylmysy boiynsha is qozǵalǵan 48 jastaǵy qala turǵynyn anyqtaǵan.
Beinejazbada kórsetilgendei qaskúnemniń itti belgisiz baǵytqa qalai alyp ketkeni, keiinirek aqsha tabýdy uiǵaryp, ony belgisiz jas jubailarǵa satqany da belgili bolǵan.
"Atalǵan fakti boiynsha qylmystyq is qozǵaldy. Qazir onyń elordada osyǵan uqsas basqa da qylmystarǵa qatysy bar-joǵy tekserilýde", - delingen habarlamada.
