استانادا قالا تۇرعىنى پوليتسيياعا حابارلاسىپ, بەلگٸسٸز بٸرەۋ ونىڭ «سپانيەل» تۇقىمدى يتٸن ۇرلاپ كەتكەنٸ تۋرالى اقپارات بەرگەن, دەپ حابارلايدى "ۇلت اقپارات" استانا قالاسى پد باسپاسٶز قىزمەتٸنە سٸلتەمە جاساپ.
استانالىق ساقشىلار تۇرعىنىنىڭ ٷي جانۋارىمەن سەرۋەندەپ كەلە جاتىپ, يتٸن كٸرەبەرٸستەگٸ تەمٸر تورعا بايلاپ دٷكەنگە كٸرگەن سەتٸن بەنەباقىلاۋ كامەراسىنان بايقاعان. يت يەسٸ دٷكەننەن شىققان سەتتە يتٸنٸڭ ورنىندا جوق ەكەنٸن اڭعارعان.
بايقوڭىر اۋداندىق پوليتسييا بٶلٸمٸنٸڭ قىزمەتكەرلەرٸ جەدەل ٸزدەستٸرۋ ٸس-شارالارى بارىسىندا بۇرىن ۇرلىق قىلمىسى بويىنشا ٸس قوزعالعان 48 جاستاعى قالا تۇرعىنىن انىقتاعان.
بەينەجازبادا كٶرسەتٸلگەندەي قاسكٷنەمنٸڭ يتتٸ بەلگٸسٸز باعىتقا قالاي الىپ كەتكەنٸ, كەيٸنٸرەك اقشا تابۋدى ۇيعارىپ, ونى بەلگٸسٸز جاس جۇبايلارعا ساتقانى دا بەلگٸلٸ بولعان.
"اتالعان فاكتٸ بويىنشا قىلمىستىق ٸس قوزعالدى. قازٸر ونىڭ ەلوردادا وسىعان ۇقساس باسقا دا قىلمىستارعا قاتىسى بار-جوعى تەكسەرٸلۋدە", - دەلٸنگەن حابارلامادا.
