20-22 qyrkúiek kúnderi elordada Astana Media Week-2023 ótedi. Jetinshi ret ótetin mediaaptalyqta Qazaqstan men shetelden kelgen mediaindýstriianyń jetekshi sarapshylary jańa tendentsiialardy, ózgerister men etikany talqylaidy, dep habarlaidy QazAqparat agenttigi.
Óz quttyqtaýynda Mádeniet jáne aqparat ministri Aida Balaeva Astana media week elimizdiń ǵana emes, jalpy media keńistiginde mańyzy zor dástúrli sharaǵa ainalǵanyn atap ótti.
«Bul jiynǵa jyl saiyn sheteldik bedeldi tulǵalar, bedeldi sarapshylar men bilikti media mamandary arnaiy qatysýy osynyń aiǵaǵy dep bilemin. Memleket buqaralyq aqparat quraly salasyndaǵy zańnamany jetildirýge erekshe kóńil bólip otyr. Sonymen qatar, biyl memlekettik aqparattyq saiasatty júzege asyrýdyń negizgi baǵdaryn aiqyndaityn tujyrymdamalyq qujat – aqparattyq doktrina qabyldandy. Media salasy qoǵamdyq ómirdiń barlyq salalaryna áser etetini belgili. Salada úzdiksiz transformatsiia men tsifrlandyrý, jańa platformalar, kommýnikatsiia quraldary men habarlamalardy berý ádisteri jańarytp otyrady. Bul BAQ-ty jańashyldyqqa beiimdeýge, únemi damyp, jańǵyryp otyrýǵa jeteleitini anyq», - dedi ministr aptalyqtyń ashylý saltanatyna jibergen beinequttyqtaýynda.
Aida Balaeva Astana media week-tiń otandyq mediaindýstriiany damytýǵa igi áserin joǵary baǵalady. Sonymen birge, jyldam ózgerip, qarqyndy damyp kele jatqan aqparattyq álemde dástúrli BAQ-tyń máselelerin sheteldik sarapshylarmen birge talqylaityn biregei alańǵa ainalǵanyn erekshe aityp ótti.
Mediaaptalyqqa ulttyq vedomstvolar men telearnalardyń basshylary, Túrkiia, Koreia, Əzerbaijan, Qyrǵyzstan, Ózbekstan jəne Reseiden arnaiy shaqyrylǵan tanymal jýrnalister men prodiýserler qatysýda.
Astana Media Week-2023 aiasynda tsifrlyq saýat, derekterdi qorǵaý, əleýmettik jelilerdegi etika taqyryptary qaralady. Sarapshylar buqaralyq aqparat quraldaryndaǵy mediaólshemder men jarnama taqyrybyn, jalǵan aqparatty taratýǵa jəne jarnamadaǵy manipýliatsiialarǵa qatysty məselelerdi talqylaidy. Sondai-aq, media jumysyn uiymdastyrý joldary, jańa media erkindigindegi tepe-teńdikti izdeý, QR media zańnamasynda blogsferany retteý, aqparattyq keńistiktegi etika men jaýapkershilik, jalǵan aqparatqa qarsy turý máseleleri qaralmaq.
Mediaaptalyq qatysýshylaryna jyl saiynǵy kontent-market kórmesi usynylady, onda ədettegidei prodakshn kompaniialar men telearnalardyń ókilderi qatysady. Ashyq jəne jabyq pitchingter kontent meikerlerge jetekshi BAQ pen korporatsiialardyń basshylaryna ózderiniń jańa ónimderin usynýǵa múmkindik beredi. Sharaǵa alǵash ret təýelsiz podkastar men didjatal-kontent avtorlary qatysady.
AMW-2023 birinshi kúni «Syni turǵydan oilaý: nege biz endi kórgenimizge, estigenimizge jáne oqyǵanymyzǵa senbeimiz?» atty Media Talks konferentsiiasymen aiaqtalady. Konferentsiia barysynda haip, klikbeit jəne feikter, tsifrlyq ortadaǵy jýrnalisterdiń jańa etikasy men kəsibi minez-qulqy talqylanady.
Mediaaptalyqtyń ekinshi kúni Iýliia Iýka Kravchenkonyń «Alternativnaia realnost» atty didjital-kórmesi ashylady. Onda jasandy intellektini paidalanyp, Qazaqstannyń bolashaǵyna boljam jasalady. Sonymen qatar mediaortalyqtyń basty zalynda «Óńirlik BAQ forýmy» óz jumysyn bastaidy, onda jergilikti BAQ-tyń ózara is-qimyly jəne olardyń jahandyq kún tərtibin qalyptastyrýdaǵy əleýeti qaralady. Al Mediaquiz interaktivti sharasy sala qyzmetkerleri úshin beiresmi netvorkingke ainalady, onda qatysýshylar óz bilimin, kreativtiligi men analitikalyq daǵdylaryn tekseredi jəne uiymdastyrýshylar syilyǵyn jeńip ala alady.
Aptalyqtyń sońǵy kúni baspasóz hatshylaryna arnalǵan saladaǵy kadrlyq áleýetti arttyrýǵa jáne damytýǵa baǵyttalǵan seminarlar seriiasy ótedi. Oǵan qosa, mediaaptalyq qorytyndysy retinde baspasóz, radio, internet-jýrnalistika salasyndaǵy «Úrker-2023» ulttyq syilyǵynyń jeńimpazdaryn saltanatty marapattaý sharasy ótedi.
