Astana Media Week prodakshn kompaniialarǵa telearnalarmen bailanysýǵa biregei múmkindik beredi. Mundai pikirdi QR Aqparat jáne kommýnikatsiialar ministri Dáýren Abaev bildirdi, dep habarlaidy QazAqparat.
«Bizdiń telearnalar prodakshn kompaniialardyń kontentterin zerdeleý jumystaryna belsene qatysqanyn qalaimyn. Qazirgi ýaqytta prodakshn kompaniialardyń telearnalar basshylyǵyna shyǵýy óte qiyn ekendigin de bilemin. Kóptegen kezeńnen ótýge týra keledi. Al bul shara telearnalarmen jáne stýdiialarmen tikelei suhbattasý múmkindigi. Búgin prodakshn kompaniialar óz ónimderin bizge tikelei tanystyra alady», - dedi mediaaptalyqtyń ashylý rásiminen keiin BAQ ókilderine suhbat bergen ministr.
Sonymen qatar ol BAQ ókilderiniń otandyq prodakshn stýdiialardyń ózge eldermen salystyrǵanda qanshalyqty damyǵandyǵyna qatysty saýalyna jaýap berdi. «Menińshe, reseilik brendtermen salystyrý durys bola qoimas. Naryq múldem basqa. Búgingi sharaǵa 93 prodakshn stýdiianyń qatysyp jatqanyna tań qaldyq. Bizde munshalyqty kóp stýdiianyń bar ekendigin de bilmedik. Sondyqtan da bul shara atalǵan salanyń damýyna tyń serpin bereri sózsiz», - dedi Dáýren Abaev.
Ministr «Qazmedia» ortalyǵy damýdyń alǵashqy kezeńinen tabysty ótip, búginde barlyq stýdiialary jumys istep turǵanyn aitty. «Endi bul jumystarǵa kórshilerimiz, seriktesterimiz belsene qatysqanyn qalaimyz. Bizdiń sheteldik seriktesterimiz kelip, osynaý alańdy, stýdiialardy filmder túsirýge paidalanǵany jón bolar edi. Bul ózara is-qimylǵa jaqsy bolady. Árine, onyń barlyǵy aqyly negizde júrgiziledi. Biz «Qazmedia» ortalyǵynda olardyń odan ári damýyna múmkindik beremiz», - dedi ol.
.jpeg)