Armeniia men Qyrǵyzstannan ákelingen kólikterdiń nómirin urlap, ielerinen aqsha talap etken elordanyń eki turǵyny ustaldy. Bul týraly "Ult aqparat" qalalyq Politsiia departamentiniń baspasóz qyzmetine silteme jasap habarlaidy.
«Nur-Sultan qalalyq Politsiia departamentiniń «Saryarqa» aýdandyq basqarmasynyń qyzmetkerleri 24 jastaǵy eki azamatty ustady. Onyń biri buryn alaiaqtyǵy úshin sotty bolǵan. Olar avtokólikterdiń sheteldik memlekettik nómirlerin urlap ketip (aldyn ala málimet boiynsha, Qyrǵyz Respýblikasy men Armeniia elderiniń avtokólikterinen) kólikke hat qystyryp, nómir úshin qansha aqsha tóleýi tiis ekenin jazyp otyrǵan. Ortasha eseppen urylar ár nómir úshin 50 myń teńge alǵan», - dedi Politsiia departamentinen.
Qazirgi ýaqytta ustalǵan eki jas jigittiń osyǵan uqsas bes qylmysqa qatysy bary anyqtalyp otyr. QR Qylmystyq kodeksiniń 194-baby boiynsha sotqa deiingi tergeý amaldary júrgizilýde.
