ارمەنييا مەن قىرعىزستاننان ەكەلٸنگەن كٶلٸكتەردٸڭ نٶمٸرٸن ۇرلاپ, يەلەرٸنەن اقشا تالاپ ەتكەن ەلوردانىڭ ەكٸ تۇرعىنى ۇستالدى. بۇل تۋرالى "ۇلت اقپارات" قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ حابارلايدى.
«نۇر-سۇلتان قالالىق پوليتسييا دەپارتامەنتٸنٸڭ «سارىارقا» اۋداندىق باسقارماسىنىڭ قىزمەتكەرلەرٸ 24 جاستاعى ەكٸ ازاماتتى ۇستادى. ونىڭ بٸرٸ بۇرىن الاياقتىعى ٷشٸن سوتتى بولعان. ولار اۆتوكٶلٸكتەردٸڭ شەتەلدٸك مەملەكەتتٸك نٶمٸرلەرٸن ۇرلاپ كەتٸپ (الدىن الا مەلٸمەت بويىنشا, قىرعىز رەسپۋبليكاسى مەن ارمەنييا ەلدەرٸنٸڭ اۆتوكٶلٸكتەرٸنەن) كٶلٸككە حات قىستىرىپ, نٶمٸر ٷشٸن قانشا اقشا تٶلەۋٸ تيٸس ەكەنٸن جازىپ وتىرعان. ورتاشا ەسەپپەن ۇرىلار ەر نٶمٸر ٷشٸن 50 مىڭ تەڭگە العان», - دەدٸ پوليتسييا دەپارتامەنتٸنەن.
قازٸرگٸ ۋاقىتتا ۇستالعان ەكٸ جاس جٸگٸتتٸڭ وسىعان ۇقساس بەس قىلمىسقا قاتىسى بارى انىقتالىپ وتىر. قر قىلمىستىق كودەكسٸنٸڭ 194-بابى بويىنشا سوتقا دەيٸنگٸ تەرگەۋ امالدارى جٷرگٸزٸلۋدە.
