Búgin Nur-Sultan qalasynda alǵashqy geologiialyq mýzeidiń ashylý saltanaty ótti. Is-sharaǵa QR Ekologiia, geologiia jáne tabiǵi resýrstar ministri Maǵzum Myrzaǵaliev pen qala ákimi Altai Kólginov qatysty, dep habarlaidy "Ult aqparat".
Mýzei el halqyna, týristerge, sheteldik qonaqtarǵa Qazaqstannyń jer asty bailyǵyn tanystyryp, aǵartý jumysyn júrgizý maqsatynda ashylǵan. Budan bólek, oqýshylar men stýdentter mýzeiden ózderiniń zertteý jumystaryna qajetti materialdar ala alady.
Maǵzum Myrzaǵalievtiń sózinshe, mýzeidi geolog mamandyǵyn nasihattaý úshin oqytý-aǵartý ortalyǵy retinde odan ári damytý qajet.
«Ózderińizge belgili, geologiia salasynda injener kadrlardyń tapshylyǵy bar. Osyǵan bailanysty mýzei bazasynda Jer týraly Ǵylymi ortalyq ashý kerek. Onda sala úshin kadrlyq rezerv daiyndalyp, jas geologtarǵa, salalyq JOO-lardyń stýdentterine, jas mamandarǵa kásibi orta qalyptasady. Sonymen birge oqýshylardyń nazaryn geoekologiia men jer qoinaýy problemalaryna aýdarýǵa bolady», - dep atap ótti ministr.
Sonymen qatar ministr mýzei tek geologiialyq uiymdar arasynda mańyzdy oryn alyp qana qoimai, qalanyń «vizittik kartasyna» ainalatynyna senim bildirdi.
«Mýzeide geologiia salasynyń máseleleri qamtityn taqyryptyq ekskýrsiialar da ótkizip turý kerek»,- dep aitty ministr.
Ashylý saltanatynda mýzei jetekshisi, Qazaqstannyń eńbek sińirgen geology Oljabai Ismailov munda Qazaqstannan bólek, Eýropa, Afrika, Ońtústik Amerika, Avstraliia memleketterinen jinalǵan eksponattar bar ekenin atap ótti.
«Kollektsiialyq úlgilerdiń birazyn geolog-áriptesterimiz qaitarymsyz bizge berdi. Mýzei qory udaiy jańaryp, jańa dúnieler túsip turady. Sońǵy jyldary kollektsiianyń tek ǵylymi emes, estetikalyq qundylyǵyna da nazar aýdarylýda», - dep atap ótti ol.
Qazirgi ýaqytta mýzeide mineralogiialyq jáne paleontogiialyq kollektsiia, 19-20-ǵasyrlardaǵy geologiialyq ádebiet basylymdary, buryn qoldanylǵan geologiialyq quraldar, zamanaýi faýnistikalyq qaldyqtar ornalasqan. Ekpoziiatsiiada kristaldardyń, qundy mineraldardyń, paleontologiialyq qaldyqtardyń kristall úlgileri bar. Mysaly, saf altyn, kúmis, temir, jubarjat, evdialit, ametist, izýmrýd, topaz, tanzanit, charoit, nefelin, mineraldanǵan aǵash jáne taǵy basqalaryn erekshe atap ótýge bolady. Mýzeidegi jalpy eksponattar sany – 750 danany quraidy.
