بٷگٸن نۇر-سۇلتان قالاسىندا العاشقى گەولوگييالىق مۋزەيدٸڭ اشىلۋ سالتاناتى ٶتتٸ. ٸس-شاراعا قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ پەن قالا ەكٸمٸ التاي كٶلگٸنوۆ قاتىستى, دەپ حابارلايدى "ۇلت اقپارات".
مۋزەي ەل حالقىنا, تۋريستەرگە, شەتەلدٸك قوناقتارعا قازاقستاننىڭ جەر استى بايلىعىن تانىستىرىپ, اعارتۋ جۇمىسىن جٷرگٸزۋ ماقساتىندا اشىلعان. بۇدان بٶلەك, وقۋشىلار مەن ستۋدەنتتەر مۋزەيدەن ٶزدەرٸنٸڭ زەرتتەۋ جۇمىستارىنا قاجەتتٸ ماتەريالدار الا الادى.
ماعزۇم مىرزاعاليەۆتٸڭ سٶزٸنشە, مۋزەيدٸ گەولوگ ماماندىعىن ناسيحاتتاۋ ٷشٸن وقىتۋ-اعارتۋ ورتالىعى رەتٸندە ودان ەرٸ دامىتۋ قاجەت.
«ٶزدەرٸڭٸزگە بەلگٸلٸ, گەولوگييا سالاسىندا ينجەنەر كادرلاردىڭ تاپشىلىعى بار. وسىعان بايلانىستى مۋزەي بازاسىندا جەر تۋرالى عىلىمي ورتالىق اشۋ كەرەك. وندا سالا ٷشٸن كادرلىق رەزەرۆ دايىندالىپ, جاس گەولوگتارعا, سالالىق جوو-لاردىڭ ستۋدەنتتەرٸنە, جاس ماماندارعا كەسٸبي ورتا قالىپتاسادى. سونىمەن بٸرگە وقۋشىلاردىڭ نازارىن گەوەكولوگييا مەن جەر قويناۋى پروبلەمالارىنا اۋدارۋعا بولادى», - دەپ اتاپ ٶتتٸ مينيستر.
سونىمەن قاتار مينيستر مۋزەي تەك گەولوگييالىق ۇيىمدار اراسىندا ماڭىزدى ورىن الىپ قانا قويماي, قالانىڭ «ۆيزيتتٸك كارتاسىنا» اينالاتىنىنا سەنٸم بٸلدٸردٸ.
«مۋزەيدە گەولوگييا سالاسىنىڭ مەسەلەلەرٸ قامتيتىن تاقىرىپتىق ەكسكۋرسييالار دا ٶتكٸزٸپ تۇرۋ كەرەك»,- دەپ ايتتى مينيستر.
اشىلۋ سالتاناتىندا مۋزەي جەتەكشٸسٸ, قازاقستاننىڭ ەڭبەك سٸڭٸرگەن گەولوگى ولجاباي يسمايلوۆ مۇندا قازاقستاننان بٶلەك, ەۋروپا, افريكا, وڭتٷستٸك امەريكا, اۆسترالييا مەملەكەتتەرٸنەن جينالعان ەكسپوناتتار بار ەكەنٸن اتاپ ٶتتٸ.
«كوللەكتسييالىق ٷلگٸلەردٸڭ بٸرازىن گەولوگ-ەرٸپتەستەرٸمٸز قايتارىمسىز بٸزگە بەردٸ. مۋزەي قورى ۇدايى جاڭارىپ, جاڭا دٷنيەلەر تٷسٸپ تۇرادى. سوڭعى جىلدارى كوللەكتسييانىڭ تەك عىلىمي ەمەس, ەستەتيكالىق قۇندىلىعىنا دا نازار اۋدارىلۋدا», - دەپ اتاپ ٶتتٸ ول.
قازٸرگٸ ۋاقىتتا مۋزەيدە مينەرالوگييالىق جەنە پالەونتوگييالىق كوللەكتسييا, 19-20-عاسىرلارداعى گەولوگييالىق ەدەبيەت باسىلىمدارى, بۇرىن قولدانىلعان گەولوگييالىق قۇرالدار, زاماناۋي فاۋنيستيكالىق قالدىقتار ورنالاسقان. ەكپوزيياتسييادا كريستالداردىڭ, قۇندى مينەرالداردىڭ, پالەونتولوگييالىق قالدىقتاردىڭ كريستالل ٷلگٸلەرٸ بار. مىسالى, ساف التىن, كٷمٸس, تەمٸر, جۇبارجات, ەۆدياليت, امەتيست, يزۋمرۋد, توپاز, تانزانيت, چارويت, نەفەلين, مينەرالدانعان اعاش جەنە تاعى باسقالارىن ەرەكشە اتاپ ٶتۋگە بولادى. مۋزەيدەگٸ جالپى ەكسپوناتتار سانى – 750 دانانى قۇرايدى.
