Elordada er adam 20 turǵynnyń elektrondy tehnikalaryn jalǵa alyp, 12 million teńgeden astam shyǵyn keltirgen, dep habarlaidy qalalyq politsiia departamenti. Politsiia alaiaqtyq jasaǵany úshin buryn sottalǵan 30 jastaǵy er adamdy ustady.
Ol jarnama saity arqyly elektrondy tehnikany jalǵa berý týraly habarlandyrýlardy tańdaǵany. Er adam ózin JShS basshysy retinde tanystyra otyryp, klienttermen telefon arqyly sóilesken. Osylaisha olardyń senimine kirgen. Alǵan jabdyǵyn «sol kúiinde, esh aqaýsyz qaitaramyn» dep ýáde bergen. Belgili bir somaǵa kelisken soń, jaldaý aqysyn tólegen. Sodan keiin jabdyqty jalǵa alyp, merzimin 3-4 kúnge uzartyp otyrǵan. Alaida keiin uialy telefonyn sóndirip, ushty-kúili joǵalǵan.
Kúdikti tehnikany birden lombardqa tapsyryp otyrǵan. Alaiaq 14 «PS 5» oiyn konsoli, 7 noýtbýk jáne 20 plazma teledidardy iemdenip ketken.
Ustalǵan adamǵa qatysty qylmystyq is qozǵaldy. Ol ýaqytsha tergeý izoliatoryna qamaldy.
Nur-Sultan qalasynyń politsiia departamenti azamattarǵa qyzmetter men taýarlardyń durystyǵyn tekserýdi, kúmándi mámileden bas tartý kerektigin eskertedi.
Osy adamnnan zardap shekkender Nur-Sultan qalasynyń politsiia departamentine, Beibitshilik kóshesi 19-úige, 8 (7172) 71-61-51 telefonyna nemese «102» nómirine habarlasýyna bolady.
