Astanalyq politseiler 77 jastaǵy argentinalyq azamattyń baǵasy 2 myń dollar turatyn kúnnen qorǵaityn kózildirigin tez arada taýyp alyp, qaitaryp berdi, dep habarlaidy "Ult aqparat".
Belgili bolǵandai, egde jastaǵy erli-zaiyptylar Aziia qalalaryn aralap, keiin Astanaǵa jetken.
Sheteldikter serýendep júrgende belgisiz er adamdar olarǵa jaqyndap, sýretke túsýdi usynǵan. Bas tartqan soń, olardyń biri sheteldikten kózildirigin kiip kórýdi ótinip, onyń qarttyǵymen tildi túsinbeý dármensizdigin paidalanyp, kózildirikti alyp oqiǵa ornynan qashyp ketken.
"Jedel izdestirý sharalary barysynda elordalyq politsiia qyzmetkerleri Pavlodar oblysynan 28 jastaǵy eki er adamdy anyqtady. Belgili bolǵandai, olar sol kúni elorda turǵyndarynyń taǵy úsh uialy telefonyn urlap ketken", - delingen habarlamada.
Atalǵan fakti boiynsha qylmystyq is qozǵaldy. Olardyń elordada jasalǵan osyǵan uqsas basqa da qylmystarǵa qatystylyǵy anyqtalýda.
