استانالىق پوليتسەيلەر 77 جاستاعى ارگەنتينالىق ازاماتتىڭ باعاسى 2 مىڭ دوللار تۇراتىن كٷننەن قورعايتىن كٶزٸلدٸرٸگٸن تەز ارادا تاۋىپ الىپ, قايتارىپ بەردٸ, دەپ حابارلايدى "ۇلت اقپارات".
بەلگٸلٸ بولعانداي, ەگدە جاستاعى ەرلٸ-زايىپتىلار ازييا قالالارىن ارالاپ, كەيٸن استاناعا جەتكەن.
شەتەلدٸكتەر سەرۋەندەپ جٷرگەندە بەلگٸسٸز ەر ادامدار ولارعا جاقىنداپ, سۋرەتكە تٷسۋدٸ ۇسىنعان. باس تارتقان سوڭ, ولاردىڭ بٸرٸ شەتەلدٸكتەن كٶزٸلدٸرٸگٸن كيٸپ كٶرۋدٸ ٶتٸنٸپ, ونىڭ قارتتىعىمەن تٸلدٸ تٷسٸنبەۋ دەرمەنسٸزدٸگٸن پايدالانىپ, كٶزٸلدٸرٸكتٸ الىپ وقيعا ورنىنان قاشىپ كەتكەن.
"جەدەل ٸزدەستٸرۋ شارالارى بارىسىندا ەلوردالىق پوليتسييا قىزمەتكەرلەرٸ پاۆلودار وبلىسىنان 28 جاستاعى ەكٸ ەر ادامدى انىقتادى. بەلگٸلٸ بولعانداي, ولار سول كٷنٸ ەلوردا تۇرعىندارىنىڭ تاعى ٷش ۇيالى تەلەفونىن ۇرلاپ كەتكەن", - دەلٸنگەن حابارلامادا.
اتالعان فاكتٸ بويىنشا قىلمىستىق ٸس قوزعالدى. ولاردىڭ ەلوردادا جاسالعان وسىعان ۇقساس باسقا دا قىلمىستارعا قاتىستىلىعى انىقتالۋدا.
