Elordalyq politseiler bank kartasynan 42500 teńge urlaǵan alaiaqty ustady, dep habarlaidy "Ult aqparat" Nur-Sultan qalasy politsiia departamentiniń baspasóz qyzmetine silteme jasap.
TJ kezinde politsiiaǵa 21 jastaǵy Nur-Sultan turǵyny belgisiz bireýdiń áleýmettik tólem retinde berilgen 42500 teńgesin bank kartasynan urlaǵanyn aityp, shaǵym túsirgen.
Kriminaldyq politsiia qyzmetkerleri osy qylmysqa qatysy bar «T.» esimdi 23 jastaǵy turǵyndy ustady. Ustalýshy esh jerde jumys istemeidi, budan buryn osyndai qylmystar úshin jazaǵa tartylǵan.
«Er adam áleýmettik tólemge ótinish berý júrip jatqan kezde qylmystyq jolmen zardap shegýshiniń bank kartasynyń rekvizitterin alǵan. Bank kartasynyń derekterin paidalana otyryp, áleýmettik tólem retinde túsken aqshalardy urlaǵan. Ol qylmystyq jolmen iemdengen aqshalardy onlain satyp alýǵa jumsap, sporttyq oiyndarǵa bás tikken», - dedi elordalyq PD baspasóz qyzmetinen.
Oǵan qatysty QR QK 188-baby «urlyq jasaý» boiynsha sotqa deiingi tergeý jumystary júrip jatyr.
Politsiia áleýmettik tólem retinde túsken 42500 teńgesin urlatyp alǵandardyń myna telefondarǵa habarlasýyn suraidy: 8(7172)716335, 8(7172)716291, 8-778-601-04-07.
