Nur-Sultan qalasy Qoǵamdyq densaýlyq saqtaý basqarmasy koronavirýs infektsiiasyn anyqtaý úshin PTR testileý ádisimen aqyly túrde taldaý júrgizetin jeke meditsinalyq uiymdar tizimin jariialady, dep habarlaidy "Ult aqparat".
PTR testileý quny 8 000 teńgeden bastap Ulttyq ekspertiza ortalyǵynda, «Meiirim» JShS, «BIO Lab» JShS-da júrgiziledi. Táýligine - 800-1 000 taldaý.
«Ulttyq ǵylymi meditsinalyq ortalyq, «INVIVO» JShS, «OLIMP» KDZ, Kópbeiindi qalalyq №2 aýrýhana, Kópbeiindi qalalyq №2 balalar aýrýhanasy, QR Prezidenti Is basqarmasy Meditsinalyq ortalyǵynyń aýrýhanasy atalmysh testileýdi 9-11 myń teńgege júrgizedi.
12-15 myń teńge shamasynda «Genom pliýs» JShS, Tranfýziologiia ǵylymi-óndiristik ortalyǵy, UMC KQ Respýblikalyq diagnostiklyq ortalyǵynda ótýge bolady. Koronavirýs infektsiiasy boiynsha PTR testiden ótem deýshilerge bul qyzmet aqyly. Júkti áielderge, KVI aýyrǵandarmen bailanysta bolǵandarǵa nemese kórsetkishteri bolǵan jaǵdaida bul meditsinalyq qyzmet qala emhanalarynda tegin kórsetiledi», - delingen habarlamada.
Elordada KVI-de biomaterial jinaýǵa arnalǵan 15 zerthana qyzmeti bar. Zerthanalardyń jalpy qýattylyǵy táýligine 10 myńnan astam synaqty quraidy.
