Búgin Nur-Sultan qalasy boiynsha karantindik aimaq aýmaǵynda koronavirýstyq infektsiianyń taralýyn boldyrmaý jónindegi jedel shtabtyń sheshimi jariialandy, dep habarlaidy "Ult aqparat" qala ákiminiń resmi saityna silteme jasap.
Koronavirýs infektsiiasynyń (COVID-19) taralýyna jol bermeý jónindegi sharalar týraly «Azamattyq qorǵaý týraly» 2014 jylǵy 11 sáýirdegi Qazaqstan Respýblikasynyń Zańyna, «Qazaqstan Respýblikasynda tótenshe jaǵdaidy engizý týraly» Qazaqstan Respýblikasy Prezidentiniń 2020 jylǵy 15 naýryzdaǵy №285 Jarlyǵyna, Qazaqstan Respýblikasy Prezidenti janyndaǵy tótenshe jaǵdai rejimin qamtamasyz etý jónindegi memlekettik komissiianyń a.j. 29 sáýirdegi hattamasyna sáikes áleýmettik-ekonomikalyq turaqtylyqty qamtamasyz etý maqsatynda Nur-Sultan qalasy boiynsha karantin aimaǵynyń aýmaǵynda koronavirýstyq infektsiianyń taralýyna jol bermeý jónindegi jedel shtab basshysy (budan ári – Shtab) sheshim qabyldady.
Onda 2020 jylǵy 4 mamyrdaǵy saǵat 00:00-den bastap Shtabtyń 2020 jylǵy 28 naýryzdaǵy № 06 sheshimine qosymshada kózdelgen ruqsat etilgen qyzmet túrleriniń tizbesi tolyqtyrylǵan. Atap aitqanda, saǵat 17:00-ge deiin jumys kestesimen jalpy alańy 500 m² deiin azyq-túliktik emes dúkender (barlyq baǵyttar); shashtarazdar, tigin ateleleri, aiaq kiim sheberhanalary (aldyn ala jazylý boiynsha, zalda 3 klientten kóp emes bolýy, úi-jailardy kúndelikti óńdeý); jeke sot oryndaýshylary (aldyn ala jazylý boiynsha); advokattar (aldyn ala jazylý boiynsha); meditsinalyq ortalyqtar (aldyn ala jazylý boiynsha); stomatologiialyq klinikalar (aldyn ala jazylý boiynsha); jarnama agenttikteri (aldyn ala jazylý boiynsha); aqparattyq-kommýnikatsiialyq tehnologiialar kompaniialary jáne tólem terminaldaryna qyzmet kórsetý; fotosalondar jáne gúl dúkenderi; kliningtik qyzmetter; kóshedegi sport sabaqtary men jattyǵýlar; uialy telefondardy jóndeý jáne aksessýarlardy satý, kiltterdi, saǵattardy, qulyptardy jáne t. b. jóndeý jáne daiyndaý.
Sondai- aq karantin men tótenshe jaǵdaidyń qoldanylý kezeńinde qarjy naryǵynyń sýbektileri qarjy naryǵyn retteý jónindegi ýákiletti organdar shyǵaratyn aktilerge sáikes qyzmetti júzege asyratyn bolady.
Al 2020 jylǵy 4 mamyrda saǵat 9: 00-den bastap sanitarlyq-epidemiologiialyq talaptardy kúsheitilgen túrde saqtai otyryp, jumys kúnderi saǵat 09: 00-den 17:00-ge deiin jumys kestesimen tek qana kásipkerlik sýbektilerine qyzmet kórsetý úshin Máńgilik El dańǵyly, № 30 («Esil» aýdanynyń №1 bólimi) mekenjaiy jáne tek qana avtosalondar úshin qyzmetter kórsetý úshin 20-40 k-si, № 2 (Mamandandyrylǵan bólim) mekenjaiy boiynsha ornalasqan «Azamattarǵa arnalǵan úkimet» memlekettik korporatsiiasy» KEAQ Halyqqa qyzmet kórsetý ortalyqtarynyń jumysy qaita bastalady. Shtabtyń 2020 jylǵy 28 naýryzdaǵy № 06 sheshimine qosymshada kórsetilgen uiymdar men kásiporyndar úshin joǵaryda atalǵan jáne ruqsat etilgen qyzmet túrlerin qospaǵanda, qyzmettiń barlyq ózge de túrleri karantin jáne tótenshe jaǵdaidyń qoldanylý kezeńinde toqtatylǵan túrinde qalady.
Eske sala ketsek, buǵan deiin biylǵy 4 mamyrdan bastap barlyq óńirlerde jumysqa kirisetin kásipkerlik sýbektileriniń qyzmet túrleriniń tizimi bekitilgen bolatyn.
