Elordada karantin ýaqytynda 150 adam shaqyrylǵan úilený toiy ótkizilgen. Bul jaiynda Nur-Sultan qalalyq politsiia departamentinen málim etti, dep habarlaidy "Ult aqparat".
Aita keterligi, Nur-Sultan qalasy «qyzyl» aimaqta tur. Soǵan bailanysty pandemiianyń taralýyna jol bermeý úshin birqatar shekteý is-sharasy qabyldanǵan. Onyń ishinde saltanatty, otbasylyq jáne basa da toi-tomalaq ótkizýge tyiym engizilgen. Osyǵan orai karantin rejimin buzýshylardy anyqtaý maqsatynda quramynda politsiia qyzmetkerleri, ákimdik pen Sanitarlyq-epidemiologiialyq baqylaý basqarmasynyń ókilderi bar mobildi top jumys isteýde.
«Qoldanystaǵy tyiymǵa qaramastan Tilendiev dańǵylyǵyndaǵy «Dýdarai» meiramhanasynyń banket zaly karantin is-sharalaryn saqtamaǵan qonaqtarǵa toly boldy. Mobildi top teksergen sátte toi qyzyp, meiramhanada shekteý sharalaryn qaperden shyǵarǵan 150 adam kóńil kóterip jatqan. Meiramhana iesiniń ústinen jinaqtalǵan material QR Ákimshilik quqyq buzýshylyq týraly kodekstiń 425-babymen ákimshilik is qozǵaý úshin ókiletti organdarǵa jiberildi», - dedi departamentten.
