Nur-Sultan qalasynda koronavirýs indetimen kúresip jatqan meditsina mamandaryna syiaqy berildi, dep habarlaidy "Ult aqparat".
«Elordada 1,5 myńǵa jýyq meditsina qyzmetkeri koronavirýspen kúresip jatyr. Memleket basshysy Qasym-Jomart Toqaevtyń tapsyrmasyna sáikes meditsina qyzmetkerlerine syiaqy berildi. Elbasynyń tapsyrmasyna boiynsha «Biz birgemiz« qorynan koronavirýspen aýyrǵan patsienttermen tikelei bailanysta jumys istep jatqan meditsina qyzmetkerlerine qosymsha qarajat bólindi», - delingen qala ákimdiginiń resmi saitynda.
Buǵan deiin habarlaǵanymyzdai, elordada koronavirýspen kúresip jatqan meditsina qyzmetkerleri qonaqúilerge ornalastyrylyp, tamaqpen kólikpen qamtamasyz etildi. Emhanalar men aýrýhanalarda jumys isteitin dárigerler úshin de kólik uiymdastyrylǵan. Kólikti CTS kompaniiasy usyndy.
QR Prezidenti Q. Toqaevtyń tapsyrmasyn oryndaý aiasynda meditsina qyzmetkerlerine jalaqymen qosa, ai saiyn ústemeaqy berilip otyrady. Tólemder koronavirýsty juqtyrý qaýpi bar úsh top boiynsha 3 ai boiy júrgiziledi:
«Qaýiptiligi asa joǵary» — reanimatsiia bólimshelerin qosa alǵanda, infektsiialyq statsionarlardyń dárigerleri, orta jáne kishi meditsina qyzmetkerleri. Ústeme aqy 20 eń tómengi jalaqyny quraidy (Jalaqynyń eń tómengi mólsheri (JTM), 850 myń teńge).
«Qaýiptiligi joǵary» – provizorlyq statsionarlar men jedel járdem dárigerleri, orta jáne kishi meditsina qyzmetkerleri. Ústeme aqy 10 JTM (425 myń teńge) quraidy.
«Qaýiptiligi ortasha» – karantindik statsionarlardaǵy dárigerler, orta jáne kishi meditsina qyzmetkerleri, sanitarlyq dárigerler (memlekettik qyzmetkerler), jedel járdem júrgizýshileri jáne t. b. Ústeme aqy 5 JTM (212,5 myń teńge) quraidy.
