Elorda politsiiasyna 12 jasar balanyń ata-anasy shaǵymdandy. Bul týraly Nur-Sultan qalasynyń Politsiia departamentiniń baspasóz qyzmeti habarlady.
Tergeý barysynda tártip saqshylary Botanikalyq saiabaq aýdanynda balanyń qasyna er adam kelip, bireýmen habarlasamyn dep, onyń telefonyn surap alǵanyn anyqtady. Beitanys adamnan qorqyp qalǵan bala oǵan óziniń uialy telefonyn bergen. Er adam telefondy alǵan boida qashyp ketken.
Jedel-tergeý sharalaryn júrgizý kezinde elordanyń buryn sottalǵan 23 jastaǵy turǵyny ustaldy. Ol óz kinásin moiyndady. Urlanǵan «IPhone 6» markaly telefon alyndy. Atalǵan faktimen QR Qylmystyq kodeksiniń 191-babymen sot aldyndaǵy tergeý amaldary júrgizilip jatyr.
