ەلوردا پوليتسيياسىنا 12 جاسار بالانىڭ اتا-اناسى شاعىمداندى. بۇل تۋرالى نۇر-سۇلتان قالاسىنىڭ پوليتسييا دەپارتامەنتٸنٸڭ باسپاسٶز قىزمەتٸ حابارلادى.
تەرگەۋ بارىسىندا تەرتٸپ ساقشىلارى بوتانيكالىق ساياباق اۋدانىندا بالانىڭ قاسىنا ەر ادام كەلٸپ, بٸرەۋمەن حابارلاسامىن دەپ, ونىڭ تەلەفونىن سۇراپ العانىن انىقتادى. بەيتانىس ادامنان قورقىپ قالعان بالا وعان ٶزٸنٸڭ ۇيالى تەلەفونىن بەرگەن. ەر ادام تەلەفوندى العان بويدا قاشىپ كەتكەن.
جەدەل-تەرگەۋ شارالارىن جٷرگٸزۋ كەزٸندە ەلوردانىڭ بۇرىن سوتتالعان 23 جاستاعى تۇرعىنى ۇستالدى. ول ٶز كٸنەسٸن مويىندادى. ۇرلانعان «IPhone 6» ماركالى تەلەفون الىندى. اتالعان فاكتٸمەن قر قىلمىستىق كودەكسٸنٸڭ 191-بابىمەن سوت الدىنداعى تەرگەۋ امالدارى جٷرگٸزٸلٸپ جاتىر.
