Nur-Sultan qalasynyń ákimi Altai Kólginov birqatar bilim berý mekemelerin jóndeý barysymen tanysty, dep habarlaidy qala ákimdiginiń baspasóz qyzmeti.
«Biyl 16 mektepti jóndeimiz. Qasbetin jańartý, shatyryn jóndeý, terezeler men edenderdi aýystyrý jáne taǵy basqasyn atqarý qajet. Búgin birqatar oqý oryndaryn, sonyń ishinde №3 mektep-gimnaziiany jóndeý jumystarymen tanystym. Qabyrǵalarda jaryqtar paida bolǵan. Mekteptiń irgetasy otyra bastaǵan. Sonyń saldarynan mektepke sý kiredi. Biylǵy oqý jylynyń basynda bul máseleler sheshiledi», – dep jazdy A.Kólginov Instagram-paraqshasynda.
Onyń aitýynsha, «Jumyspen qamtýdyń jol kartasy» baǵdarlamasy aiasynda 16 mekteptiń 13-inde kúrdeli jóndeý júrgiziledi.
Baǵdarlama boiynsha 15 myń jumys orny ashylady. Eńbekke ornalastyrý birinshi kezekte jumyspen qamtý ortalyǵy arqyly júrgiziledi.
«Sonymen qatar jańa mektepter salý boiynsha úlken jumystar atqaryp jatyrmyz. Biyl 20 myń oqýshyǵa arnalǵan 12 mektep salamyz. Kelesi jyly 40 myń orynǵa eseptelgen sonsha mektep salynady. Oqý oryndaryn aldymen, oryn tapshylyǵy bar jerlerde salyp jatyrmyz. Mektep qurylysyna jeke investitsiialardy tartamyz», – dep atap ótti A.Kólginov.
