نۇر-سۇلتان قالاسىنىڭ ەكٸمٸ التاي كٶلگٸنوۆ بٸرقاتار بٸلٸم بەرۋ مەكەمەلەرٸن جٶندەۋ بارىسىمەن تانىستى, دەپ حابارلايدى قالا ەكٸمدٸگٸنٸڭ باسپاسٶز قىزمەتٸ.
«بيىل 16 مەكتەپتٸ جٶندەيمٸز. قاسبەتٸن جاڭارتۋ, شاتىرىن جٶندەۋ, تەرەزەلەر مەن ەدەندەردٸ اۋىستىرۋ جەنە تاعى باسقاسىن اتقارۋ قاجەت. بٷگٸن بٸرقاتار وقۋ ورىندارىن, سونىڭ ٸشٸندە №3 مەكتەپ-گيمنازييانى جٶندەۋ جۇمىستارىمەن تانىستىم. قابىرعالاردا جارىقتار پايدا بولعان. مەكتەپتٸڭ ٸرگەتاسى وتىرا باستاعان. سونىڭ سالدارىنان مەكتەپكە سۋ كٸرەدٸ. بيىلعى وقۋ جىلىنىڭ باسىندا بۇل مەسەلەلەر شەشٸلەدٸ», – دەپ جازدى ا.كٶلگٸنوۆ Instagram-پاراقشاسىندا.
ونىڭ ايتۋىنشا, «جۇمىسپەن قامتۋدىڭ جول كارتاسى» باعدارلاماسى اياسىندا 16 مەكتەپتٸڭ 13-ٸندە كٷردەلٸ جٶندەۋ جٷرگٸزٸلەدٸ.
باعدارلاما بويىنشا 15 مىڭ جۇمىس ورنى اشىلادى. ەڭبەككە ورنالاستىرۋ بٸرٸنشٸ كەزەكتە جۇمىسپەن قامتۋ ورتالىعى ارقىلى جٷرگٸزٸلەدٸ.
«سونىمەن قاتار جاڭا مەكتەپتەر سالۋ بويىنشا ٷلكەن جۇمىستار اتقارىپ جاتىرمىز. بيىل 20 مىڭ وقۋشىعا ارنالعان 12 مەكتەپ سالامىز. كەلەسٸ جىلى 40 مىڭ ورىنعا ەسەپتەلگەن سونشا مەكتەپ سالىنادى. وقۋ ورىندارىن الدىمەن, ورىن تاپشىلىعى بار جەرلەردە سالىپ جاتىرمىز. مەكتەپ قۇرىلىسىنا جەكە ينۆەستيتسييالاردى تارتامىز», – دەپ اتاپ ٶتتٸ ا.كٶلگٸنوۆ.
