Nur-Sultan qalasynyń ákimi Altai Kólginov qalada sport infraqurylymyn damytý úshin qandai sharalar atqarylyp jatqanyn aityp berdi, dep habarlaidy "Ult aqparat".
«Sport infraqurylymyn damytýdyń nátijesinde qala turǵyndary sport pen salaýatty ómir súrýge beiimdeledi. Keiingi kezde túrli indettiń paida bolýy erte jastan bastap densaýlyqqa jáne immýnitetti nyǵaitýdyń asa mańyzdy ekenin kórsetti. Prezidenttiń tapsyrmasyna sáikes buqaralyq sportty damytý, jastar men men kásibi sportshylardy qoldaý men odan ári yntalandyrý úshin júieli sharalar qabyldandy. Onyń ishinde paralimpiadalyq sport túrlerine qoldaý kórsetý nazardan tys qalǵan joq. Búgin qaladaǵy balalar men jasóspirimder sport mektepteriniń direktorlarymen ózekti máselelerdi talqyladyq» dep jazady shahar basshysy óziniń Instagram paraqshasynda.
Ákimniń aitýynsha, buqaralyq sportty damytý maqsatynda tiisti mekemelerge birqatar tapsyrmalar berilgen.
«Birinshi. Jańa oqý jylynyń basynan bastap, joǵary bilim alýǵa ákimdik granttaryn bólýdi tapsyrdym (sport baǵyty boiynsha). Bul oqýshylardy yntalandyryp qana qoimai, olardyń osy baǵytta kásibi bilim alýyna múmkindik beredi.
Ekinshi. Sporttaǵy ár jetistik jyldar boiǵy daiyndyq jumystary men úlken erik-jigerdiń arqasynda keledi. Stýdentterdiń densaýlyǵyn arnaiy mamandar, dárigerler jiti baqylap, ýaqtyly kómektesýi kerek. Shtatqa sport dárigerlerin oqytatyn mamandandyrylǵan mektepterdi engizý máselesin zertteimiz.
Úshinshi. Sport mektepterine sport mekemeleri men keshenderinde sabaqtar ótkizýge, arnaiy jattyǵý kiimin satyp alýǵa, jarys pen jattyǵý kezinde stýdentterdi tasymaldaýǵa jáne basqa máseleler boiynsha qoldaý kórsetýdi jalǵastyramyz.
Tórtinshi. Osy jyldyń qazan aiynan bastap ai saiynǵy materialdyq tólemaqynyń mólsheri ulǵaidy. Sońǵy 10 jyl ózgerissiz qalǵan eken. QR qurama komandalarynyń quramyna kiretin jáne qurama sapynda óner kórsetetin sportshylarǵa, sondai-aq olardyń jattyqtyrýshylaryna tólenetin eńbekaqy kólemin ulǵaitý asa mańyzdy.
Sportpen ainalysýy úshin qosymsha yntalandyrý. Eger buryn ulttyq quramaǵa kirgen 84 sportshy ǵana ai saiynǵy tólemdi alsa, endi olardyń sany eki eseden astam ósti.
Besinshi. Biyl birqatar sport mekemeleri jóndeldi. Úsh eldi mekende iri dene shynyqtyrý-saýyqtyrý keshenderiniń qurylysy júrip jatyr. Kelesi jyly taǵy bireýiniń qurylysy bastalmaq. Onda turǵyndar túrli sport túrlerimen tegin ainalysyp, bos ýaqytyn ótkize alady» delingen jazbada.
