Nur-Sultan qalasynyń Abylai han-Rysqulbekov-Músirepov-Mustafin kósheleri kvadratynda 10 úi karantinge jabyldy, dep habarlaidy "Ult aqparat".
«Saǵat 12.30-daǵy sońǵy aqparatqa sáikes, atalǵan kvadratta 10 úide karantin engizildi», - dedi elorda ákimdiginiń baspasóz qyzmetinen.
Atalǵan aýmaq tolyqtai qorshaýǵa alynǵan. Qazirgi ýaqytta áskeri qyzmetshiler zalalsyzdandyrý jumystaryna kirisip ketti.
Aita keteiik, Nur-Sultanda 16 sáýir kúngi tańnan beri koronavirýs 8 adamnan anyqtaldy. Sońǵy málimet boiynsha, qalada indetke shaldyqqandardyń jalpy sany 305-ke jetti. Qazaqstanda barlyǵy 1341 naýqas tirkeldi.
