Elordada karantinge jabylǵan 23 nysannyń 13-i ashyldy, dep habarlaidy QazAqparat
Bul týraly elordanyń Qoǵamdyq densaýlyq saqtaý basqarmasynyń basshysy Sáýle Qisyqova aityp berdi.
«Tutas epidemiialyq kezeńde elordada 23 nysan karantinge jabyldy. Bul nysandarda epidemiiaǵa qarsy barlyq shekteý sharalary júrgizildi. Qazirgi ýaqytta karantin rejiminde 10 nysan qaldy», - dep atap ótti basqarma basshysy «Habar 24» telearnasyndaǵy brifingte.
Onyń aitýynsha, aýrýdyń 267 oshaǵynda dezinfektsiialyq sharalar júrgizilgen. Bul - naýqastar turǵan úiler men jumys oryndary.
Nur-Sultan qalasy boiynsha jalpy 17 414 jaǵdaiǵa zerthanalyq tekserý jumystary júrgizildi.
Buǵan deiin basqarma basshysy Nur-Sultanda koronavirýs infektsiiasynan qaitys bolǵan adam týraly aityp bergen edi.
Qazirgi ýaqytta Elordada juqtyrǵandar sany 264 adamǵa jetti. Sońǵy eki kúnde - 12-13 sáýir kúnderi 29 jaǵdai tirkeldi.
9-13 sáýir aralyǵynda Nur-Sultan qalasynda 4 766 adamǵa ekspress testileý júrgizilip, 61 adam aýrýhanaǵa jatqyzylǵan.
