ەلوردادا كارانتينگە جابىلعان 23 نىساننىڭ 13-ٸ اشىلدى, دەپ حابارلايدى قازاقپارات
بۇل تۋرالى ەلوردانىڭ قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا ايتىپ بەردٸ.
«تۇتاس ەپيدەمييالىق كەزەڭدە ەلوردادا 23 نىسان كارانتينگە جابىلدى. بۇل نىسانداردا ەپيدەميياعا قارسى بارلىق شەكتەۋ شارالارى جٷرگٸزٸلدٸ. قازٸرگٸ ۋاقىتتا كارانتين رەجيمٸندە 10 نىسان قالدى», - دەپ اتاپ ٶتتٸ باسقارما باسشىسى «حابار 24» تەلەارناسىنداعى بريفينگتە.
ونىڭ ايتۋىنشا, اۋرۋدىڭ 267 وشاعىندا دەزينفەكتسييالىق شارالار جٷرگٸزٸلگەن. بۇل - ناۋقاستار تۇرعان ٷيلەر مەن جۇمىس ورىندارى.
نۇر-سۇلتان قالاسى بويىنشا جالپى 17 414 جاعدايعا زەرتحانالىق تەكسەرۋ جۇمىستارى جٷرگٸزٸلدٸ.
بۇعان دەيٸن باسقارما باسشىسى نۇر-سۇلتاندا كوروناۆيرۋس ينفەكتسيياسىنان قايتىس بولعان ادام تۋرالى ايتىپ بەرگەن ەدٸ.
قازٸرگٸ ۋاقىتتا ەلوردادا جۇقتىرعاندار سانى 264 ادامعا جەتتٸ. سوڭعى ەكٸ كٷندە - 12-13 سەۋٸر كٷندەرٸ 29 جاعداي تٸركەلدٸ.
9-13 سەۋٸر ارالىعىندا نۇر-سۇلتان قالاسىندا 4 766 ادامعا ەكسپرەسس تەستٸلەۋ جٷرگٸزٸلٸپ, 61 ادام اۋرۋحاناعا جاتقىزىلعان.
