Elorda politsiiasy jedel izdeý is-sharalary barysynda iri kólemde urlyq jasaý kúdigimen 28 jastaǵy taksi júrgizýshisin ustady, dep habarlaidy "Ult aqparat".
Nur-Sultan qalalyq politsiia departamentiniń málimetinshe, quqyq qorǵaý organyna júgingen elorda turǵyny atalǵan jigitpen taksi qyzmetin paidalanǵan kezinde tanysqanyn aitqan. Sol sátte jastardyń arasynda mahabbat oty tutanǵan. Kezdesýlerdiń birinde jigit zardap shegýshiniń páterine kelip jalpy somasy 1 mln 879 myń teńge bolatyn «Aifon 12» jáne «Samsýng Galaksi A 21» markaly eki uialy telefondy urlap ketken.
«Kúdiktiniń ústinen qylmystyq is qozǵaldy. Ustalǵan adam kinásin moiyndap, urlanǵan telefondardy iesine qaitardy. Onyń elorda aýmaǵynda jasalǵan dál osyndai qylmystarǵa qatysy tekserilip jatyr», - dedi vedomstvodan.
