Elorda turǵyny qaryz óteýdiń ornyna qarjysyn beibereket jumsaǵany úshin sottaldy

Memlekettik aiyptaýshy uzaq ýaqyt boiy sot sheshimin oryndamaǵan elorda turǵynynyń kinásin dáleldedi, dep habarlaidy "Ult aqparat" Astana qalasynyń prokýratýrasyna silteme jasap.

Sottalǵan adam 18 mln. teńgeden astam bereshekti óndirip alý týraly zańdy kúshine engen sot sheshimi bar ekenin bile tura, 5 jyl boiy qaryzdy óteýge múmkindigi bola turyp, az ǵana tólemder engizgen.

"Sonymen birge, osy kezeńde ol shetelge týristik saparlar jasap, balalaryn aqyly mektepte oqytqan. Onyń ózi kosmetologiialyq qyzmet kórsetip, onyń tólemi ápkesiniń shotyna túsken. Sonymen qatar, sottalýshy tanysyna bank arqyly jyljymaityn múlik satyp alýǵa ýáde berip, 3 mln. teńgeden astam aqshasyn alaiaqtyq jolmen iemdense, taǵy bir jaǵdaida 7 mln. teńgeni jymqyrǵan. Bul faktiler boiynsha keltirilgen shyǵyndy ol ótegen", - delingen habarlamada. 

Alaiaqtyq jáne sot sheshimin oryndamaǵany úshin kináli tulǵa sottaldy.

Úkim zańdy kúshine endi.