Nur-Sultan qalasynyń politseileri kisi tonady degen degen kúdikpen 27 jastaǵy jergilikti turǵyndy ustady, dep habarlaidy "Ult aqparat" Nur-Sultan qalasy politsiia basqarmasynyń baspasóz qyzmetine silteme jasap.
Tergeý barysynda alkogoldik ishimdikke qyzyp alǵan erli-zaiyptylar janjaldasyp, kúieýi áielin urǵany anyqtaldy. Kóshede ketip bara jatqan kezdeisoq er adam aldymen áieldi qorǵamaq bolyp, onyń kúieýin uryp jibergen. Sosyn onyń uialy telefonyn urlap, oqiǵa ornynan izin jasyrǵan. Taiaq jegen jábirlenýshi politsiiaǵa shaǵymdanǵan.
Nur-Sultan qalasy politsiia departamentiniń «Baiqońyr» aýdandyq politsiia basqarmasynyń qyzmetkerleri kúdiktini ustady. Ustalǵan adamnyń buryn qylmystyq jaýapqa tartylǵany anyqtaldy. Ol óz kinásin tolyq moiyndap, uialy telefon iesine qaitarylǵan. Qazir ustalǵan azamat izoliatorǵa qamaldy.
Atalǵan fakti boiynsha «tonaý» babymen qylmystyq is qozǵaldy, ustalǵan er adamnyń buryn jasalǵan osyǵan uqsas qylmystarǵa qatysy bar-joǵy anyqtalyp jatyr. Al jábirlenýshimen profilaktikalyq áńgime júrgizilip, erli-zaiyptylar tatýlasqan.
