نۇر-سۇلتان قالاسىنىڭ پوليتسەيلەرٸ كٸسٸ تونادى دەگەن دەگەن كٷدٸكپەن 27 جاستاعى جەرگٸلٸكتٸ تۇرعىندى ۇستادى, دەپ حابارلايدى "ۇلت اقپارات" نۇر-سۇلتان قالاسى پوليتسييا باسقارماسىنىڭ باسپاسٶز قىزمەتٸنە سٸلتەمە جاساپ.
تەرگەۋ بارىسىندا الكوگولدٸك ٸشٸمدٸككە قىزىپ العان ەرلٸ-زايىپتىلار جانجالداسىپ, كٷيەۋٸ ەيەلٸن ۇرعانى انىقتالدى. كٶشەدە كەتٸپ بارا جاتقان كەزدەيسوق ەر ادام الدىمەن ەيەلدٸ قورعاماق بولىپ, ونىڭ كٷيەۋٸن ۇرىپ جٸبەرگەن. سوسىن ونىڭ ۇيالى تەلەفونىن ۇرلاپ, وقيعا ورنىنان ٸزٸن جاسىرعان. تاياق جەگەن جەبٸرلەنۋشٸ پوليتسيياعا شاعىمدانعان.
نۇر-سۇلتان قالاسى پوليتسييا دەپارتامەنتٸنٸڭ «بايقوڭىر» اۋداندىق پوليتسييا باسقارماسىنىڭ قىزمەتكەرلەرٸ كٷدٸكتٸنٸ ۇستادى. ۇستالعان ادامنىڭ بۇرىن قىلمىستىق جاۋاپقا تارتىلعانى انىقتالدى. ول ٶز كٸنەسٸن تولىق مويىنداپ, ۇيالى تەلەفون يەسٸنە قايتارىلعان. قازٸر ۇستالعان ازامات يزولياتورعا قامالدى.
اتالعان فاكتٸ بويىنشا «توناۋ» بابىمەن قىلمىستىق ٸس قوزعالدى, ۇستالعان ەر ادامنىڭ بۇرىن جاسالعان وسىعان ۇقساس قىلمىستارعا قاتىسى بار-جوعى انىقتالىپ جاتىر. ال جەبٸرلەنۋشٸمەن پروفيلاكتيكالىق ەڭگٸمە جٷرگٸزٸلٸپ, ەرلٸ-زايىپتىلار تاتۋلاسقان.
