Elorda turǵyny ákesin koronavirýstan emdegen dárigerlerge alǵys aitty, dep habarlaidy QazAqparat.
«Ózimniń jáne ákem Orazǵali Abdraimovtyń atynan Nur-Sultan qalasynyń №3 balalar juqpaly aýrýlar aýrýhanasynyń qyzmetkerlerine, atap aitqanda bólim meńgerýshisi Gúlmira Nurtazinaǵa, emdegen dáriger Gaýhar Quttybekke, sondai-aq kishi meditsinalyq personal Nurbaný Musahmetovaǵa, Merýert Baikenovaǵa eńbegi úshin alǵys aitamyn. Ár kún saiyn adam janyn ajaldan arashalap jatyrsyzdar», - dep jazdy Ǵaliia Abdraimova Facebook paraqshasynda.
Onyń aitýynsha, ákesi koronavirýs dertine shaldyqqan.
«Ákem 11 kún boiy úide hattama boiynsha emdeldi, biraq densaýlyq jaǵdaiy jaqsarǵan joq. Statsionarda qalai emdeitini týraly jaǵymsyz pikirlerdi oqyǵannan keiin aýrýhanaǵa barýǵa qoryqtyq», - deidi elorda turǵyny.
Biraq dárigerler taldaý qorytyndysyn qaraǵan soń ákesin aýrýhanaǵa jatqyzýǵa kóndirgen.
«Dárigerler ákeme zamanaýi meditsinalyq kómek kórsetti. Kún saiyn emdeitin dárigeri men bólim meńgerýshisi naýqastardyń qal-jaǵdaiyn surap, jaǵdaiyna qarai em jazyp berip otyrdy. Olar naýqastarǵa rýhani kómek kórsetti, bul aýyryp jatqan naýqastar úshin óte mańyzdy dúnie. Dárigerler soǵys alańynda júrgendei ár naýqastyń ómiri úshin kúresýde. Óz isiniń sheberleriniń emin alǵan ákemniń joly boldy. Sizderge jáne jaqyndaryńyzǵa densaýlyq tilep, aldaryńyzda basymdy iem», - deidi ol.
