Belgili akter ári ázilkesh Qairat Ádilgereidiń jubaiy, ánshi Baqyt Turman qyzdaryna aldyn ala baspana alyp berýge qarsy ekenin aitty, dep habarlaidy ult.kz.

Óner iesiniń bul pikiri áleýmettik jelide taraǵan suhbat úzindisinde aitylǵan. Baqyt Turmannyń sózinshe, ata-ananyń qyzyna daiyn úi syilaýy bolashaq kúieý balanyń otbasy aldyndaǵy jaýapkershiligine keri áser etýi múmkin.

"Qyzyńa úi áperseń, kúshik kúieý bala tabasyń", – dedi ánshi.

Baqyt Turman osylaisha jas otbasynyń turmysyn qalyptastyrýǵa er adamnyń da atsalysyp, jaýapkershilik alǵanyn durys sanaitynyn ańǵartty. Onyń bul sózi áleýmettik jeli qoldanýshylary arasynda talqyǵa tústi. 
Aita keteiik, Tanymal prodiýser, ánshi Móldir óziniń jańadan shyqqan "Shái v bolshom gorode" filmin synaǵan Baqyt Turmanǵa jaýap berdi. 

Ónerli jup týraly ne belgili? 

Aita keteiik, Baqyt Turman men Qairat Ádilgerei – otandyq shoý-biznestegi tanymal juptardyń biri.

Buǵan deiin ánshi jar tańdaýda er adamnyń úii, kóligi nemese qymbat kiimi basty ólshem bolmaýy keregin aityp, eń mańyzdysy – onyń aqyldy, eńbekqor, isker ári sózinde turatyn azamat bolýy degen pikir bildirgen

Qairat Ádilgerei men Baqyt Turmannyń birge otbasyn qurǵanyna 20 jyldan astam ýaqyt bolǵany buǵan deiingi suhbattarynda da aitylǵan.