Nur-Sultan turǵyny 13 jastaǵy qyzǵa ishimdik ishkizgen, - dep habarlaidy "Ult aqparat" Polisia.kz saityna silteme jasap.
Portal málimetinshe, Aqmola oblysynda Aqkól aýdanyna qarasty eldi mekenderdiń birinde turatyn 13 jastaǵy turǵyn eseńgiretetin dári-dármekter paidalanyp, birneshe ret alkogoldik ishimdikter ishkeni anyqtaldy. Zańsyz áreketterdi 2021 jyldyń 25 jeltoqsany men 26 jeltoqsany aralyǵynda 34 jastaǵy elorda turǵyny jasaǵan.
Qazirgi ýaqytta Aqkól aýdandyq PB tergeý bólimi atalǵan fakti boiynsha QR QK 133-babynyń 1-bóligine (Kámeletke tolmaǵan balany qoǵamǵa qarsy is-áreketter jasaýǵa tartý) sáikes sotqa deiingi tergeýdi bastady.
"Kámeletke tolmaǵan adamdy alkogol jáne quramynda spirt bar ónimderdi, elitkish dári-dármekti júieli paidalanýǵa (ishýge) tartý jasóspirimder maskúnemdigine ákeledi, al baptyń sanktsiiasynda osy qylmys úshin úsh jylǵa deiin bas bostandyǵynan aiyrý kózdelgen", - delingen habarlamada.
