Búgin – astana kúni. Biyl elordamyzǵa 24 jyl. Osy ýaqyt ishinde qala turǵyndarynyń sany 4 ese ósti, dep habarlaidy QazAqparat Ulttyq statistika biýrosyna silteme jasap.
Biýro usynǵan málimetke sáikes, 1998 jyly el astanasy atanǵan Aqmola qalasynda 326 myń adam turǵan. Sodan beri elorda turǵyndarynyń sany 4 esege jýyq ósip, qazir 1 mln 262 myń adamǵa jetti.
Astanada 24 jyl burynǵydai áielderdiń sany basym. Eger sol ýaqytta qalada 174 myń áiel jáne 152 myń er adam turǵan bolsa, qazir áielder sany – 657 myń (52%), erler – 605 myń (48%).
1998 jyly elordada 3 400 bala dúniege kelse, 2021 jyly 31 myń bala týǵan, osylaisha týý koeffitsienti 11-den 25,9-ǵa (myń adamǵa shaqqanda) deiin ósti.
1998 jyly qalada 48 jalpy bilim beretin mektep jumys istegen. Qazir olardyń sany – 147. Al, aýrýhana uiymdarynyń sany 15-ten 45-ke deiin artty.
