Astanalyq amfiteatrdyń sahnasynda qala ákiminiń kýbogy úshin karaokeden chempionat ótti. Is-shara barysynda elorda týraly úzdik án baiqaýynyń jeńimpazy anyqtaldy, dep habarlaidy "Ult aqparat" qala ákimdiginiń saityna silteme jasap.
Nur-Sultan qalasyna arnalǵan úzdik án baiqaýynyń jeńimpazy - «Aziia» toby. Baiqaý elordalyq ákimdiktiń bastamasymen Jastar jyly aiasynda ótti.
Kelip túsken 36 ótinimniń 31-i qatysty. Jeńimpaz sertifikatyn jáne 3 000 000 teńge kólemindegi aqshalai syilyqty «Aziia» tobyna Nur-Sultan qalasy ákiminiń orynbasary Erlan Kanalimov tabys etti.
«Joba qala kúnin merekeleý aiasynda júzege asyrylyp jatqany kezdeisoq emes, óitkeni búginde elorda tek eldiń innovatsiialyq, ekonomikalyq, áleýmettik damýynyń ǵana emes, Eýraziianyń mádeni ortalyǵy sanalady. Búgingi osyndai tamasha mereke kúni biz «Elorda týraly úzdik án» atty aýqymdy baiqaýdyń jeńimpazdaryn marapattaimyz», - degen Erlan Kanalimov qatysýshylarǵa shyǵarmashylyq tabys tiledi.
