Qalalyq Qorshaǵan ortany qorǵaý jáne tabiǵatty paidalaný basqarmasy «JasNur» vedomstvolyq baǵynysty kásipornynyń kúshimen alǵash ret sýǵa aeratsiia júrgizý, iaǵni Esil ózeni men onyń salalarynda balyqtardyń qyrylýyn boldyrmaý boiynsha aýqymdy is-sharalar júrgizýde, dep habarlaidy elorda ákimdiginiń resmi saity.
Balyqtardyń qyrylýyn boldyrmaý jónindegi is-sharalar kásiporynǵa bekitilgen Qoiandy jáne astanalyq sý qoimalarynda da júrgiziledi.
Sý asty tirshiligin qamtamasyz etý úshin jasalatyn negizgi shart – ottegi jiberý. Jaýǵan qar men aiaz sý asty tirshiliginiń basty problemasy bolyp sanalady. Sebebi sý qoimalarynda qatqan muz ben qalyń qar ottegi men jaryqtyń túsýine kedergi bolady. Bul problema balyqtardyń jappai qyrylýyna ákelýi múmkin.
Osyǵan bailanysty jylda qystygúni sý astynda otteginiń az mólsheri qalǵan kezde Nur-Sultan qalasy ákimdiginiń «JasNur» óndiristik-sharýashylyq kásiporny» MKQK osy iske kirisedi. Bekitilgen sý aidyndarynda, iaǵni Qoiandy-Astana sý qoimasynda jáne Esil ózeni men Aqbulaq arnasynda melioratsiialyq jumystar júrgizedi. Sonymen, sorǵysh shlang kesilgen shahtaǵa ornatylady jáne motopompa arqyly sý astyna ottegi jiberiledi.
Ary qarai mamandar shuńqyrlarǵa qamys ornatady. Qamys sýdyń qatyp qalýyna jol bermeidi jáne únemi ottegi jiberýin qamtamasyz etedi.
Aita ketý kerek, biyl sý aidyndarynda muzdyń qalyńdyǵy 55 sm-den 1 m-ge deiin jetti.
