قالالىق قورشاعان ورتانى قورعاۋ جەنە تابيعاتتى پايدالانۋ باسقارماسى «جاسنۇر» ۆەدومستۆولىق باعىنىستى كەسٸپورنىنىڭ كٷشٸمەن العاش رەت سۋعا اەراتسييا جٷرگٸزۋ, ياعني ەسٸل ٶزەنٸ مەن ونىڭ سالالارىندا بالىقتاردىڭ قىرىلۋىن بولدىرماۋ بويىنشا اۋقىمدى ٸس-شارالار جٷرگٸزۋدە, دەپ حابارلايدى ەلوردا ەكٸمدٸگٸنٸڭ رەسمي سايتى.
بالىقتاردىڭ قىرىلۋىن بولدىرماۋ جٶنٸندەگٸ ٸس-شارالار كەسٸپورىنعا بەكٸتٸلگەن قوياندى جەنە استانالىق سۋ قويمالارىندا دا جٷرگٸزٸلەدٸ.
سۋ استى تٸرشٸلٸگٸن قامتاماسىز ەتۋ ٷشٸن جاسالاتىن نەگٸزگٸ شارت – وتتەگٸ جٸبەرۋ. جاۋعان قار مەن اياز سۋ استى تٸرشٸلٸگٸنٸڭ باستى پروبلەماسى بولىپ سانالادى. سەبەبٸ سۋ قويمالارىندا قاتقان مۇز بەن قالىڭ قار وتتەگٸ مەن جارىقتىڭ تٷسۋٸنە كەدەرگٸ بولادى. بۇل پروبلەما بالىقتاردىڭ جاپپاي قىرىلۋىنا ەكەلۋٸ مٷمكٸن.
وسىعان بايلانىستى جىلدا قىستىگٷنٸ سۋ استىندا وتتەگٸنٸڭ از مٶلشەرٸ قالعان كەزدە نۇر-سۇلتان قالاسى ەكٸمدٸگٸنٸڭ «جاسنۇر» ٶندٸرٸستٸك-شارۋاشىلىق كەسٸپورنى» مكقك وسى ٸسكە كٸرٸسەدٸ. بەكٸتٸلگەن سۋ ايدىندارىندا, ياعني قوياندى-استانا سۋ قويماسىندا جەنە ەسٸل ٶزەنٸ مەن اقبۇلاق ارناسىندا مەليوراتسييالىق جۇمىستار جٷرگٸزەدٸ. سونىمەن, سورعىش شلانگ كەسٸلگەن شاحتاعا ورناتىلادى جەنە موتوپومپا ارقىلى سۋ استىنا وتتەگٸ جٸبەرٸلەدٸ.
ارى قاراي ماماندار شۇڭقىرلارعا قامىس ورناتادى. قامىس سۋدىڭ قاتىپ قالۋىنا جول بەرمەيدٸ جەنە ٷنەمٸ وتتەگٸ جٸبەرۋٸن قامتاماسىز ەتەدٸ.
ايتا كەتۋ كەرەك, بيىل سۋ ايدىندارىندا مۇزدىڭ قالىڭدىعى 55 سم-دەن 1 م-گە دەيٸن جەتتٸ.
