Elimizdiń úsh óńirinde ekinshi aýysymda bilim alatyn oqýshylar úshin sabaqtar toqtatyldy, dep habarlaidy "Ult aqparat".
«21 qarashada aýa raiynyń qolaisyzdyǵyna bailanysty (qatty aiaz - 25) qala mektepteriniń 0-9 synyp oqýshylaryna sabaq bolmaidy», - dep málim etti Nur-Sultan qalasynyń Bilim basqarmasynan.
Sondai-aq -24-32 gradýs aiazǵa orai Shyǵys Qazaqstan oblysynyń Kókpekti, Shemonaiha, Tarbaǵatai, Aiagóz aýdandary men Semei qalasynda 1-4 synyptar, Óskemen qalasy men Borodýliha, Jarma, Glýbokii, Ulan, Besqaraǵai aýdandarynda 1-11 synyptar, Ridder qalasynda 1-9 synyptar oqymaidy.
Al Qaraǵandy, Saran, Shahtinsk, Qarajal qalalarynyń, Abai, Aqtoǵai, Buqar jyraý, Qarqaraly, Osakarov jáne Shet aýdandarynyń mektepterinde 0-4 synyp oqýshylary, Temirtaý qalasynyń 1-9 synyp oqýshylary sabaqqa barmaidy. Osy ýaqytta shaharda -24-26 gradýs aiaz tur. Jeldiń jyldamdyǵy 2-3 m/s.
Eske salaiyq, aýa raiynyń qolaisyzdyǵyna bailanysty atalǵan úsh óńirde tańerteńgi aýysym úshin de sabaqtar toqtatylǵan bolatyn.
