Búgin Almaty men Nur-Sultan qalalary arasynda taǵy tórt qosymsha kommertsiialyq poiyz iske qosylady, dep habarlaidy QazAqparat «Jolaýshylar tasymaly» AQ-nyń baspasóz qyzmetine silteme jasap.
Búgin elordanyń Nursultan-1 stansasynan № 204/203 poiyzy Almatyǵa saǵat 18.55-te jóneltiledi. Poiyz Almatyǵa erteń (11 qańtar) saǵat 16.31-de keledi.
Sondai-aq, búgin Nur-Sultan-1 stansasynan Almaty-2 stansasyna deiin №220/219 poiyzy saǵat 19.40-ta jóneltiledi. Poiyz Almatyǵa erteń (11 qańtar) saǵat 18.25-te keledi.
Búgin Almatydan elordaǵa qarai eki kommertsiialyq poiyz jolǵa shyǵady.
«Almaty-2 – Nur-Sultan Nurly jol» (Talgo) baǵytyndaǵy №207/208 poiyzy Almaty-2 stansasynan 19 saǵat 20 minýtta jolǵa shyǵady.
«Almaty-2 – Nur-Sultan-1» baǵytyndaǵy №205/206 poiyzy 22 saǵat 25 minýtta jóneltiledi. Poiyz elordaǵa erteń 19 saǵat 13 minýtta keledi. Dál osy poiyz Almatyǵa 11 qańtarda 23 saǵat 43 minýtta jóneltiledi.
Jolaýshy tasymaly kompaniiasynyń málimdeýinshe, elimizde poiyzdardyń qozǵalysy qalpyna keltirilgen. Barlyq jolaýshylar poiyzdary keste boiynsha júredi.
