Elordada 26 jeltoqsannan bastap kinoteatrlardyń jumys isteýine ruqsat berildi. Basty talap sanitarlyq-epidemiologiialyq normalar qatań saqtalýy tiis. Osy oraida elorda kinoteatrlarynyń jumys isteýge daiyndyq barysy tekserildi, dep habarlaidy "Ult aqparat".
«Búginde elordadan ózge óńirlerde bas dárigerdiń qaýlysyna sáikes kinoteatrlar jumys istep jatyr. Nur-Sultan qalasynda kinoteatrlar óz jumysyn bastaidy. Barlyq kinoteatrlarda sanitarlyq talaptar qatań saqtalatyn bolady. Atap aitqanda, antiseptik pen maskanyń bolýy sonymen qatar araqashyqty saqtaýǵa asa mán beriledi. Sondai-aq, adamdardyń tikelei qarym-qatynasyn azaitý maqsatynda kórermender biletterdi onlain satyp alady. Kassadan satyp alǵan jaǵdaidyń ózinde terminal arqyly tólem jasaý múmkindigi bar», - dedi Qazaqstandaǵy Kinopark jáne KinoPlexx jelileriniń atqarýshy direktory Ábdirashid Rahmetov tilshilerdiń suraǵyna jaýap bere otyryp.
Bas dárigerdiń qaýlysyna sáikes kino zaldaǵy kórermenderdiń syiymdylyǵy 30%-dan artyq bolmaýy tiis.
«Zalda bir kórermennen soń 2 oryndy bos qaldyratyn bolamyz. Iaǵni araqashyqty saqtaýǵa qatań mán beriledi. Sonymen qatar ár kinoseanstan keiin zalalsyzdandyrý júrgiziledi. Odan bólek, bizdiń qyzmetkerler de sanitarlyq talaptardy oryndaidy. Iaǵni olar mindetti túrde maskamen júredi jáne jumysqa kelgende temperatýrasy tekseriledi», - deidi ol.
Sondai-aq, kinoteatr ókili elordalyqtarǵa qandai filmder kórsetiletinin aityp berdi.
«Astanalyqtar biyl shyqqan kóp jańa filmderdi kórgen joq. Olardyń qatarynda otandyq jáne sheteldik kinotýyndylar bar. Naqty aitqanda, «Liýbov na million», «Dovod», «Mýlan», «Bazar joq Meksika» jáne taǵy basqa. Baǵaǵa kelsek, ózderińiz bilesizder elordada kinoteatrlar 10 ai boiy jumys istemedi jáne bul bizge ońaiǵa soqpady. Osy oraida baǵa 20%-ǵa qymbattaidy. Biraq, balalarǵa, stýdentterge jáne zeinetkerlerge jeńildik qarastyrylady odan basqa túrli aktsiialar uiymdastyrylady», - dedi ol.
