Elorda epidemiologiialyq ahýaldyń nasharlaý stsenariiine daiyndalýda. Bul týraly #ANTIKOR.LIVE» jobasy aiasynda «ANTIKOR ORTALYǴY» adańynda Nur-Sultan qalasy boiynsha taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Zeken Isaqov aitty, dep habarlaidy QazAqparat.
«Ótken kezeń ishinde Nur-Sultan qalasynda koronavirýs indetinen ózge karantindik jáne erekshe qaýipti infektsiialar jaǵdaiy tirkelgen joq. Jalpy, 2020 jyldyń 13 naýryzynan beri koronavirýstyń dáleldengen jaǵdailar tirkeý júrgizilip kele jatyr. Osy kezeń ishinde qalada 14 213 jaǵdai tirkelgen. Búginde aýrý kórsetkishi qalada respýblika boiynsha birshama joǵary tolyp tur. Biz epidemiologiialyq ahýaldyń nasharlaý stsenariiine daiyndalýdamyz. Sondyqtan qalanyń meditsinalyq uiymdary jaǵdaidy turaqtandyrý jáne ony baqylaýda ustaý úshin birqatar shara qabyldaýda», - dedi ol.
Departament basshysynyń aitýynsha, qalada tumaýǵa qarsy vaktsinatsiialaý qarqyndy júrgizilýde. Nur-Sultanda 110 myń turǵynǵa ekpe jasaldy. Bul halyq sanynyń shamamen 10 paiyzyn quraidy. Olardyń ishinde shamamen 40 myń bala ekpe aldy.
«Qala táýlik saiyn 6-dan 8-ge deiin halyqaralyq reisti qabyldaidy. Táýligine ortasha eseppen 140 kelýshi PTR anyqtamasy bolmaǵandyqtan aýrýhanaǵa jatqyzylady. Bul protsess ary ketkende 1 táýlikke sozylady. Nátije alynǵannan keiin patsientte teris kórsetkish bolsa úiine jiberiledi. PTR testin tapsyrý olarǵa tegin. Qazirgi ýaqytta syrttan kelgen adamdardyń bireýinde ǵana voronavirýs anyqtaldy. Ol Reseiden kelgen azamat bolatyn. Onda aýrý siptomsyz jáne ambýlatorlyq em qabyldaýda», - dedi Zeken Isaqov.
